Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ońtústikte kóktemgi dala jumystary qyzý júrýde

Dalanews
Ońtústikte kóktemgi dala jumystary qyzý júrýde
Búgin Ońtústik Qazaqstan oblysy ákimdiginde keńeitilgen májilis ótti. Óńir basshysy J.Túimebaev tóraǵalyq etken jiynda 4 birdei másele qaraldy. Atap aitqanda, QR indýstriialyq-innovatsiialyq damytýdyń 2015 - 2019 jyldarǵa arnalǵan jáne 2016-2019 jyldarǵa arnalǵan «Densaýlyq» memlekettik baǵdarlamalarynyń óńirde oryndalý barysy, sondai-aq kóktemgi dala jumystaryna daiyndyq pen «Shatqal» jobasynyń iske asyrylý jóninde máseleler talqyǵa tústi.

Alǵashqy baiandama jasaǵan oblystyq kásipkerlik, indýstrialdy-innovatsiialyq damý jáne týrizm basqarmasynyń basshysy Batyrhan Qurmanseiit indýstriialyq-innovatsiialyq damytý baǵdarlamasy júzege asyrylǵannan beri kásipkerlikti qoldaý kartasynyń ekinshi besjyldyǵyna quny 1,3 trln. teńgeni quraityn 137 joba engendigin aitty.

– Aǵymdaǵy jyly 40 mlrd. teńgeni quraityn 20 jobany iske qosý josparlanýda. Onda 1 500 jumys orny ashylady. Solardyń ishinde biyl 6 iri joba iske asyrylmaq. Sondai-aq, 38 mlrd. teńgeni quraityn 1700-ge jýyq jumys ornymen 15 investitsiialyq jobany júzege asyrý josparlanýda. Al 2019 jyly 111 mlrd. teńgeni quraityn 31 jobany iske qosý josparlanyp otyr. Onda 3 500 jumys orny ashylatyn bolady, – dedi Batyrhan Qurmanseiit.

Al ekinshi másele boiynsha baiandama jasaǵan oblystyq densaýlyq saqtaý basqarmasynyń basshysy Muqan Egizbaev «Densaýlyq» baǵdarlamasyn 7 baǵyttan turatynyn aityp, 2018 jyldyń 1 qańtaryna deiingi jaǵdai boiynsha kórsetilgen meditsinalyq maqsattaǵy dárilik zattar men buiymdar baǵalarynyń ósýi tirkelmegendigin jetkizdi. Onyń aitýynsha, ǵalamtor jelisinde óńirdegi dárigerlerdiń jeke kabinetteri ornatylyp jatyr jáne oblysta Qazaqstanda alǵash ret Vitiligo ortalyǵy ashylyp, atalǵan dertti jańa hirýrgiialyq ádispen emdeý eńgizilgen.

Kóktemgi dala jumystary jaiynda baiandaǵan oblystyq aýyl sharýashylyǵy basqarmasynyń basshysy Serik Turbekov aýyl sharýashylyǵy daqyldarynyń josparlanǵan egis kólemi 833,1 myń gektardy qurap, ótken jyldan 6,8 myń gektarǵa artyq mejelengendigin aitty.

– Egilgen 161,5 myń gektar kúzdik astyqtyń jaǵdaiy jaqsy. Ústep qorektendirý jumystary aldaǵy onkúndikte júrgiziledi. Qazirgi tańda 21,3 myń tonna tyńaitqysh qoimalarda saqtalyp tur. Aǵymdaǵy jyly kóktemgi dala jumystaryn júrgizýge oblysqa 38 myń tonna dizel otyny bólindi. Tehnika boiynsha qolda bar 15006 dana traktordyń – 86 paiyzy, 2966 dana traktor soqalarynyń – 100 paiyzy, 1861 dana dán sepkishtiń –  92 paiyzy daiyn. Kóktemgi dala jumystaryn merziminde atqarýǵa tolyq múmkindik bar, – dedi Serik Turbekov.

Aita keterligi, aǵymdaǵy jyly «Agrarlyq nesie korporatsiiasy» AQ tarapynan kóktemgi dala jumystaryn júrgizýdi nesielendirý úshin 3,2 mlrd. teńge qaralýda. Onyń 1,4 mlrd. teńge qarjysyn «Yrys» ShNU» JShS ótinim usynǵan.

«Shatqal» jobasynyń iske asyrylýy jóninde baiandama jasaǵan oblystyq tabiǵi resýrstar jáne tabiǵatty retteý basqarmasynyń basshysy Iliias Quramysovtyń aitýynsha, 2018 jyly eldi mekenderde 4 740 gektar jerge 1 mln 990,7 myń túp kóshet egý qaralǵan. Osyǵan bailanysty, orman sharýashylyǵy mekemelerinen kóktemde 419 myń dana, kúzde 1 mln 572 myń kóshet tegin bosatylatyn bolady.

Keńeitilgen májilisti qorytyndylaǵan óńir basshysy J.Túimebaev QR indýstriialyq-innovatsiialyq damytýdyń 2015 - 2019 jyldarǵa arnalǵan baǵdarlamasynyń biylǵa arnalǵan negizgi mindetterin óńirde oryndaý boiynsha naqty qadamdyq jospar túzip, oryndalýyn qatań baqylaýǵa alýdy jáne oblys boiynsha iske qosylǵan indýstriialdy aimaqtardyń jaǵdaiyna taldaý júrgizip, nátijesin baiandaýdy tapsyrdy.

Sondai-aq, aimaq basshysy aýdan, qala ákimderi naýqastardy áleýmettik qoldaýǵa beriletin qarajattyń turaqty bólinýin qamtamasyz etýdi jáne salaýattylyqty saqtaý men qalyptastyrý sharalaryn turaqty iske asyrýdy júktedi.

Sonymen qatar, sharýalarǵa janar-jaǵar maidyń jáne nesie qarjylardyń merziminde taratylýyn qamtamasyz etilýin jáne egistik kólemin aldyn-ala júieli túrde josparlaýdy eskertti. Oblys boiynsha aǵymdaǵy jylǵa arnalǵan kógaldandyrý jumystarynyń aýdan, qala ákimdikteri tarapynan bekitilgen josparǵa sáikes atqarylýyn qatań baqylaýǵa alýdy tapsyrdy.

 

OQO ákiminiń baspasóz qyzmeti

 

https://dalanews.kz/34146
innovatsiia májilis OQO ákiminiń baspasóz qyzmeti traktor Túimebaev Batyrhan Qurmanseiit Agrarlyq nesie korporatsiiasy Muqan Egizbaev Indýstriia Madina Sádýaqasova

Oqi otyryńyz