Ońtústikte jas bosanǵan 78 anaǵa proaktivti tásilmen qyzmet kórsetildi
Endi aqparattyq júielerdiń birigýiniń arqasynda jańa týǵan azamatty tirkeý boiynsha ótinish avtomatty túrde keletin bolady. Bala ómirge kelisimen onyń ata-anasyna SMS-habarlama arqyly quttyqtaý kelip, sábidi tirkeý boiynsha memlekettik qyzmetti alý usynysy jasalady.
Elektrondyq úkimet portaly barlyq málimetterdi túrli memlekettik organdardyń aqparattyq júielerinen jinap, al ózge derekterdi SMS habarlama arqyly ata-anadan suraidy.
Qazirgi tańda bala týǵannan keiin ata-analar balany tirkeý, kýálik alý, járdemaqy taǵaiyndaý jáne balabaqshaǵa kezekke qoiý úshin halyqqa qyzmet kórsetý ortalyqtaryna barýy tiis. Jyldyń basynan bastap proaktivti qaǵidattyń iske qosylýyna bailanysty endi front-ofisterge barýdyń, tipti elektrondyq úkimet portalyna júginýdiń de qajeti joq. Barlyq qajetti qyzmetterdi ol SMS-habarlama arqyly ala alady. Biraq SMS-habarlama alý úshin azamattar kez-kelgen HQKO-ǵa baryp, ózderiniń telefon nómirlerin portaldaǵy jeke kabinetterinde bekitýi tiis.
Balany tirkeý, járdemaqyny rásimdeý jáne balabaqshaǵa kezekke qoiý qyzmetterin HQKO-dan da alýǵa bolady. «Bala týý» kompozittik qyzmeti proaktivti tásilmen usynylady. Iaǵni, telefon arqyly shot nómirin jiberip, járdemaqylardy da rásimdeýge jáne balabaqshaǵa kezekke qoiýǵa bolady. Al halyqqa yzmet kórsetý ortalyǵyna balanyń kýáligin alyp ketý úshin ǵana kelý kerek nemese úige jetkizý qyzmetin paidalanýǵa bolady.
