Sharaǵa Astanadaǵy Elbasy mýzeiinen 800-ge jýyq túpnusqa qoljazba, sýretter jáne jeke zattary ákelindi. Elimizdegi oblystar arasynda alǵash ret Ońtústik óńirinde bastaý alǵan kóshpeli kórme 2018 jyldyń mamyr aiyna deiin jalǵasatyn bolady.
Kórmeniń ashylý saltanatyna QR Prezidenti Keńsesiniń bastyǵy – «QR Tuńǵysh Prezidenti – Elbasynyń kitaphanasy» MM-niń direktory Mahmut Qasymbekov pen oblys ákimi Janseiit Túimebaev, QR Mádeniet jáne sport ministrliginiń jaýapty hatshysy Qýatjan Ýáliev jáne oblys ziialylary men jastary, BAQ ókilderi qatysty.
Sharada sóz alǵan Mahmut Qasymbekov kórmeni shyraily Shymkent qalasynda ótkizý kezdeisoq emes ekenin atap ótti.
– Búgin aiaýly Almatydan keiin kórmeni shyraily Shymkent qalasynda ashqaly otyrmyz. Árine, bul kezdeisoq emes. Sebebi, Ońtústik Qazaqstan oblysynyń elimizdiń áleýmettik jáne ekonomikalyq damýyndaǵy róli asa zor. Ekinshiden, bul óńir – halqymyzdyń mádenieti men salt-dástúriniń kenishi, ana tilimizben ulttyq qundylyqtarymyzdyń qaimaǵy buzylmaǵan ordasy. Sondyqtan Shymkent barshamyz úshin ári ystyq, ári júrekterimizge jaqyn. Kórmeniń aiasynda kieli Túrkistan qalasynda kezdesýler jáne oblystyń birneshe oqý oryndarynda seminarlar men konferentsiialar uiymdastyrylatyn bolady. Sondyqtan, bul kórme oblystyń mádeni jáne rýhani ómirinde eleýli oqiǵa bolady dep úmittenemiz, – dedi M.Qasymbekov.
Kóshpeli keshen kórmesi «Kóshbasshy joly», «Kóshbasshy fenomeni», «Álem tanyǵan, Kóshbasshy», «Elbasy mártebesi – el mártebesi» atty tórt bólimnen quralǵan.
Uiymdastyrýshylardyń aitýynsha, alǵash ret Ońtústik jurtshylyǵyna N.Á. Nazarbaevtyń ózge eldiń basshylarynan berilgen joǵary memlekettik nagradalary, qazaqstandyq avtorlar jáne memleket basshylary tartý etken qoltańbasy bar kitaptar, Elbasynyń shet tilderine aýdarylǵan kitaptary usynylyp otyr.
Mazmuny men deńgeii turǵysynan asa mańyzdy is-sharanyń Ońtústik óńirinde ótýi úlken mártebe, ári zor maqtanysh ekenin aitqan oblys ákimi keshendi jyljymaly kórmeniń ashylýymen quttyqtap, sáttilik tiledi.
– Memleket basshysy Qazaqstan tarihyndaǵy sheshýshi kezeńde erkindik pen táýelsizdikti ańsaǵan halyqtyń asyl armanyn oryndady. Qysqa merzim ishinde elimiz júz jylǵa tatyityn ǵajaiyp damý kezeńin artqa tastady. Elimiz áleýmettik-ekonomikalyq turǵyda airyqsha órkendep, halqymyzdyń ál-aýqaty jaqsardy. Bul kórmede qonaqtar Ult Kóshbasshysynyń osynaý taǵylymy mol eńbekterimen de tanysa alady. Demek, bul sharanyń turǵyndarǵa, ásirese, elimizdiń jastaryna bereri mol, – dedi Janseiit Qanseiituly.
Joba aiasynda halyqaralyq ǵylymi konferentsiia, aimaqtyq kásibi sessiia, sholý jáne taqyryptyq ekskýrsiialar ótedi. Sondai-aq, «Túrkistan» kontsert zalynda Prezident orkestriniń kontserti uiymdastyrylady dep kútilýde.
OQO ákiminiń baspasóz qyzmeti
https://dalanews.kz/28568
