شاراعا استاناداعى ەلباسى مۋزەيىنەن 800-گە جۋىق ءتۇپنۇسقا قولجازبا، سۋرەتتەر جانە جەكە زاتتارى اكەلىندى. ەلىمىزدەگى وبلىستار اراسىندا العاش رەت وڭتۇستىك وڭىرىندە باستاۋ العان كوشپەلى كورمە 2018 جىلدىڭ مامىر ايىنا دەيىن جالعاساتىن بولادى.
كورمەنىڭ اشىلۋ سالتاناتىنا ق ر پرەزيدەنتى كەڭسەسىنىڭ باستىعى – «ق ر تۇڭعىش پرەزيدەنتى – ەلباسىنىڭ كىتاپحاناسى» ءمم-نىڭ ديرەكتورى ماحمۇت قاسىمبەكوۆ پەن وبلىس اكىمى جانسەيىت تۇيمەبايەۆ، ق ر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋالييەۆ جانە وبلىس زيالىلارى مەن جاستارى، ب ا ق وكىلدەرى قاتىستى.
شارادا ءسوز العان ماحمۇت قاسىمبەكوۆ كورمەنى شىرايلى شىمكەنت قالاسىندا وتكىزۋ كەزدەيسوق ەمەس ەكەنىن اتاپ ءوتتى.
– بۇگىن اياۋلى الماتىدان كەيىن كورمەنى شىرايلى شىمكەنت قالاسىندا اشقالى وتىرمىز. ارينە، بۇل كەزدەيسوق ەمەس. سەبەبى، وڭتۇستىك قازاقستان وبلىسىنىڭ ەلىمىزدىڭ الەۋمەتتىك جانە ەكونوميكالىق دامۋىنداعى ءرولى اسا زور. ەكىنشىدەن، بۇل ءوڭىر – حالقىمىزدىڭ مادەنيەتى مەن ءسالت-داستۇرىنىڭ كەنىشى، انا تىلىمىزبەن ۇلتتىق قۇندىلىقتارىمىزدىڭ قايماعى بۇزىلماعان ورداسى. سوندىقتان شىمكەنت بارشامىز ءۇشىن ءارى ىستىق، ءارى جۇرەكتەرىمىزگە جاقىن. كورمەنىڭ اياسىندا كيەلى تۇركىستان قالاسىندا كەزدەسۋلەر جانە وبلىستىڭ بىرنەشە وقۋ ورىندارىندا سەمينارلار مەن كونفەرەنسيالار ۇيىمداستىرىلاتىن بولادى. سوندىقتان، بۇل كورمە وبلىستىڭ مادەني جانە رۋحاني ومىرىندە ەلەۋلى وقيعا بولادى دەپ ۇمىتتەنەمىز، – دەدى م.قاسىمبەكوۆ.
كوشپەلى كەشەن كورمەسى «كوشباسشى جولى»، «كوشباسشى فەنومەنى»، «الەم تانىعان، كوشباسشى»، «ەلباسى مارتەبەسى – ەل مارتەبەسى» اتتى ءتورت بولىمنەن قۇرالعان.
ۇيىمداستىرۋشىلاردىڭ ايتۋىنشا، العاش رەت وڭتۇستىك جۇرتشىلىعىنا ن.ءا. نازاربايەۆتىڭ وزگە ەلدىڭ باسشىلارىنان بەرىلگەن جوعارى مەملەكەتتىك ناگرادالارى، قازاقستاندىق اۆتورلار جانە مەملەكەت باسشىلارى تارتۋ ەتكەن قولتاڭباسى بار كىتاپتار، ەلباسىنىڭ شەت تىلدەرىنە اۋدارىلعان كىتاپتارى ۇسىنىلىپ وتىر.
مازمۇنى مەن دەڭگەيى تۇرعىسىنان اسا ماڭىزدى ءىس-شارانىڭ وڭتۇستىك وڭىرىندە ءوتۋى ۇلكەن مارتەبە، ءارى زور ماقتانىش ەكەنىن ايتقان وبلىس اكىمى كەشەندى جىلجىمالى كورمەنىڭ اشىلۋىمەن قۇتتىقتاپ، ساتتىلىك تىلەدى.
– مەملەكەت باسشىسى قازاقستان تاريحىنداعى شەشۋشى كەزەڭدە ەركىندىك پەن تاۋەلسىزدىكتى اڭساعان حالىقتىڭ اسىل ارمانىن ورىندادى. قىسقا مەرزىم ىشىندە ەلىمىز ءجۇز جىلعا تاتىيتىن عاجايىپ دامۋ كەزەڭىن ارتقا تاستادى. ەلىمىز الەۋمەتتىك-ەكونوميكالىق تۇرعىدا ايرىقشا وركەندەپ، حالقىمىزدىڭ ءال-اۋقاتى جاقساردى. بۇل كورمەدە قوناقتار ۇلت كوشباسشىسىنىڭ وسىناۋ تاعىلىمى مول ەڭبەكتەرىمەن دە تانىسا الادى. دەمەك، بۇل شارانىڭ تۇرعىندارعا، اسىرەسە، ەلىمىزدىڭ جاستارىنا بەرەرى مول، – دەدى جانسەيىت قانسەيىت ۇلى.
جوبا اياسىندا حالىقارالىق عىلىمي كونفەرەنسيا، ايماقتىق كاسىبي سەسسيا، شولۋ جانە تاقىرىپتىق ەكسكۋرسيالار وتەدى. سونداي-اق، «تۇركىستان» كونسەرت زالىندا پرەزيدەنت وركەسترىنىڭ كونسەرتى ۇيىمداستىرىلادى دەپ كۇتىلۋدە.
وقو اكىمىنىڭ باسپا ءسوز قىزمەتى
https://dalanews.kz/28568
