Saiysta er jigitter mal soiyp, atty erttep, otyn jaryp, samaýryn qoiyp, jún qyrqsa, boijetkender taba nan pisirý, túie saýý, kúbi pisý, qurt jasaý, baýyrsaq pisirý sekildi syndardan ótti.
Ulttyq dástúrlerdi jas urpaqtyń boiyna sińirýde airyqsha mańyzǵa ie jobada bar ónerlerin ortaǵa salǵan saiyskerler bir synda jeńilis tapsa, kelesi synda ese qaitaryp, kórermenderdiń delebesin qozdyryp, tamasha kóńil kúi syilady.
Ásirese, jastardyń atty ertteýi, mal soiý, jún qyrqý, kúbi pisý, qurt jasaý sáti tartysty ári shielenisti ótip, qazylar alqasynyń baǵa berýine de qiyndyqtaryn týdyrdy.
Jobanyń bas báigesin - «Saryjailaý» toby qanjyǵasyna bailady. Jeńimpazdar men júldegerlerdi arnaiy syilyqtarmen marapattaǵan aýdan ákiminiń orynbasary Ryskeldi Álish pen oblystyq jastar resýrstyq ortalyǵynyń direktory Bereke Dúisebekovter Ult Kóshbasshysynyń syndarly saiasatyn óskeleń urpaqtyń arasynda jan-jaqty nasihattaý, salt-dástúrimizdi jańǵyrtýda qosqan úlesteri úshin jastarǵa alǵystaryn jetkizdi.
Mundai igi isterdi odan ary jalǵasyn tabatyndyǵy aitylyp, jastardyń aldaǵy josparlaryna sáttilik tiledi.
