Ońtústikte «Alǵys aitý» kúnine orai 10 kúndik ótedi
Onyń aitýynsha, eldi birlikke úndeitin merekeniń túpki máni – kezinde túrli sebeptermen qazaq jerine qonys aýdarǵan etnos ókilderiniń memleket quraýshy ultqa alǵys aitýyn kózdeidi. On kúndik merekeni jer-jerlerde uiymdastyrý men ótkizýdiń tujyrymdamasy ázirlenip, ár kúnge arnaiy ataýlar berilgen.
–20 aqpan – Tarihqa taǵzym kúni dep belgilendi. Bul kúni oblysta, aýdan, qala ortalyqtarynda qýǵyn-súrgin jyldary Qazaqstanǵa taǵdyr tálkegimen qonys aýdarǵan etnostardyń ótkeni men búgini týraly arnaiy kórme ótkiziledi. Sondai-aq, Shymkenttegi «Qazaq eline myń alǵys» monýmenti aldynda arnaiy is-shara uiymdastyrylyp, tarihqa taǵzym jasalady, – dedi Muratáli Orazalyuly.
Sonymen qatar, 21 aqpan – Qaiyrymdylyq kúninde oblys aýmaǵynda «Jan jylýy» taqyrybynda aktsiia uiymdastyrylyp, jalǵyzbasty jáne áleýmettik turǵyda az qamtylǵan otbasylarǵa kómek beriledi. 22 aqpan – Shabyt kúninde «Yntymaǵy jarasqan Qazaqstan» taqyrybynda óńirdegi qolóner buiymdary men shyǵarmashylyq óner týyndylary kórmesi uiymdastyrylmaq.
Budan bólek, 23 aqpan – Kórshige izet, 25 aqpan – Qurmet, 26 aqpan – Ólketaný, 27 aqpan – Kelisim, 28 aqpan – Yqylas, 1 naýryz – Alǵys aitý kúni dep belgilenip, ár kúnderi ataýyna sai sharalar ótetin bolady.
Aita keterligi, oblystyq Qazaqstan halqy Assambleiasy óńirde qoǵamdyq kelisim men jalpyulttyq birlik salasyndaǵy memlekettik saiasatty júzege asyryp keledi. Óńir turǵyndarynyń ulttyq quramy boiynsha 72,9 paiyzyn – qazaqtar, 16,8 paiyzyn – ózbekter, 4,5 paiyzyn – orystar, al 5,7 paiyzyn – ózge etnostar quraidy. Oblysta qalyptasqan etnosaralyq ahýaldy saralaý maqsatynda sotsiologiialyq zertteýler júrgizilip keledi.
Sonymen qatar, mediatsiia institýtyn nyǵaitýda óńirdegi 57 kásibi jáne 485 kásibi emes mediatormen bailanys ornatylǵan. Ótken jyly oblys boiynsha mediatsiia rásimimen sheshilgen 8 myńnan astam daýdyń 84 paiyzy mediatorlardyń aralasýymen rettelip, 2016 jylmen salystyrǵanda kórsetkish 2 ese artyp otyr.
Aldaǵy ýaqytta Ońtústik Qazaqstan oblysynyń tolyqqandy jańarǵan etnokartasy daiyndalyp, óńirdegi assambleia qyzmeti týraly kitap ázirlenetin bolady. Sondai-aq, biyl 5 aýdan, qala aýmaǵynda «Dostyq» úileri ashylady. Oblys basshysynyń tapsyrmasyna sáikes, «Ár etnostyń brendi» jobasy aiasynda assambleia alańynda turaqty sheberlik dáristeri men ashyq kórmeler uiymdastyrylmaq.
OQO ákiminiń baspasóz qyzmeti
https://dalanews.kz/34183
