Ońtústikte «7-20-25» júiesi boiynsha ótinish qabyldaý biyl bastalady
Onyń aitýynsha, Ulttyq Bank Elbasy aiqyndaǵan talaptar boiynsha jyldyq 7 paiyzdyq ústemesimen 20 paiyz bastapqy jarna tóleý arqyly 25 jyl ýaqytqa baspana berý baǵdarlamasyn ázirlep, Úkimetke usynatyn bolady.
– Ulttyq Bank baǵdarlamany iske asyrýdyń tórt negizgi kezeńderin aiqyndady. Birinshi kezeńdi iske asyrǵan kezde bankter men qor naryǵynyń múmkindikterin barynsha iske qosa otyryp, ipotekalyq kreditterdiń qarjy tartý tetigin qalpyna keltirý qajet. Jaqyn arada Ulttyq Bank Basqarmasy 100 paiyzdyq enshiles arnaiy kompaniiany baǵdarlamanyń operatory esebinde qurý máselesin qaraidy. Jańa kompaniianyń kapitaly Ulttyq Banktiń qarajaty esebinen qalyptasatyn bolady, – dedi Ánýar Amangeldiuly.
Sondai-aq, ol kapital kompaniiaǵa «7-20-25» júiesi boiynsha ipotekalyq kreditterdi satyp alý rásimin iske qosý úshin naryqtyq talaptarmen qarjy naryǵynan qarajat tartý kerektigin jetkizdi.
Aita keterligi, ekinshi kezeń - baǵdarlamany tiimdi iske asyrý maqsatynda osy kompaniiany qarjy agenttigi retinde tanýyn bildiredi. Úshinshi kezeń - turǵyn úi bastamasynyń jańa múmkindikteri barlyq azamattarǵa jeńildik talaptaryn beretin memlekettiń teńdessiz qadamy bolyp tabylatyndyǵymen sipattalady. Baǵdarlamaǵa resmi kirisi bar barlyq Respýblika turǵyndary qatysa alady. Tórtinshi kezeń - jeńildik berilgen ipotekalyq nesieler tolyǵymen qamtamasyz etilgen jáne túgel qaitarymdy bolýǵa tiis ekendigin bildiredi.
Ulttyq Bank barlyq qajetti zańnamalyq túzetýler men usynystardy jinaqtap Úkimettiń qaraýyna jiberetin bolady.
OQO ákiminiń baspasóz qyzmeti
https://dalanews.kz/35065
