Jańadan qurylǵan kooperativterdiń tynys-tirishligimen tanysý maqsatynda arnaiy baspasóz týry uiymdastyrylyp, onda BAQ ókilderi Qazyǵurt aýdanyndaǵy «Hanshaiym» kooperativine bardy. Seriktestik mal bordaqylap, onyń etin ótkizýmen ainalysady. Seksenge jýyq múshesi bar kooperativte búginde 1000-nan astam iri qara bordaqylanýda. Sonymen qatar, onyń menshiginde 50 basqa arnalǵan mal soiý beketi men arnaiy qoimalar qarastyrylǵan.
Memleketten jeńildetilgen nesie alý isi qoljetimdi bola túskenin aitqan kooperativ tóraǵasy Syrym Ertaev daiyn ónimdi ótkizýde kedergiler joiylyp, etti eksporttaýǵa múmkindik molaiǵanyn atap ótti.
Onyń aitýynsha, búginde mal etin ótkizý úshin elimizdiń ózge aimaqtarynan bólek, Ózbekstan jáne Aýǵanstanmen kelissózder júrgizilýde. Sonymen qatar, kooperativ músheleri memleket tarapynan beriletin sýbsidiia men jeńildetilgen nesieler alý úshin qujattar daiyndaý ústinde. «Hanshaiym» koopertivine múshelikke engenderdiń biri Jeńis Slambaev.
– Jeke sharýa úiiniń aýlasynda 40-qa jýyq iri qarany bordaqylaýda. Buryn etti ótkizý jaiy ájepteýir oilandyratyn bolsa, koopearativke kirgeli beri bul iske bas qatyrmaityn boldyq deidi. Oǵan qosa memleket tarapynan buqanyń ár basyna 20 myń teńge sýbsidiia alamyz. Keleshekte kooperativ atynan 6 paiyzben nesie alyp, mal basyn 100-ge deiin jetkizsem degen maqsatym bar, – deidi ol.
Budan keiin BAQ ókilderi Sharaphana aýylyndaǵy «Qaratas» aýyl sharýashylyǵy kooperativinde boldy. Atalǵan seriktestik sút ónidirýmen ainalysady. Jyldyń basynda qurylǵan kooperativke búginde 86 sharýa múshe. Ujymnyń qaramaǵynda 700-ge jýyq iri qara bolsa, onyń 150 basy saýyn siyrlar. Kooperativ táýligine 1,2 tonna sút óndiredi.
Serkitestiktiń 30 múshesi jýyrda «Aýyl sharýashlyǵyn qarjylaý qoldaý qory» arqyly 130 mln teńge kóleminde jeńildetilgen nesiege qol jetkizgen. Atalǵan qarjyǵa saýyn siyrlar satyp alynýda. Iaǵni ónim kóleminiń artýyna bailanysty kooperativ syiymdylyǵy 2 tonnalyq sút saqtaityn tanker alýdy josparlap otyr. Shyǵynnyń 50 paiyzyn memleket ótep beredi. Demek, keleshekte seriktestik táýligine 3 tonnaǵa deiin sút óndirmek.
Jalpy, 2021 jylǵa deiin OQO-da 90 myńǵa jýyq jeke sharýa qojalyqtaryn biriktirentin 600-den astam kooperativter qurylady dep josparlanýda.
OQO ákimdigi baspasóz qyzmeti
