Túrkistan oblysynyń prokýrolary 80 erekshe balanyń quqyǵy óreskel buzylǵanyn anyqtady, dep habarlaidy Dalanews.kz.
Kentaýda múmkindigi shekteýli balalarǵa arnalǵan jalǵyz "Arnaiy kásiptik kolledj" oryn tepken. Prokýratýra tekserisi nátijesinde kolledj basshylyǵy uzaq ýaqyt boiy zańnama talaptaryn buzyp, erekshe stýdentterdi memlekettik qyzmettermen tolyq qamtamasyz etpegeni anyqtaldy.
"Sapasyz bilim berý, oqytýshylar quramynyń biliktilik talaptaryna sáikes kelmeýi, sanitarlyq jáne órtke qarsy normalardyń saqtalmaǵany belgili boldy. Mekemede merzimi ótken azyq-túlikter men meditsinalyq preparattar qoldanylǵan", - delingen habarlamada.
Meditsinalyq qarsy kórsetilimderi men shekteýleri bar talapkerlerdi oqýǵa zańsyz qabyldaý faktilerin bile tura, Túrkistan oblysynyń jumyspen qamtýdy úilestirý jáne áleýmettik baǵdarlamalar basqarmasynyń basshylary tiisti shara qabyldamaǵan.
Tekserý nátijesimen zań buzýshylyqtardy joiý jáne bala quqyqtaryn qorǵaý maqsatynda oblys prokýratýrasy 5 prokýrorlyq den qoiý aktisin oblys ákimdigine jáne memlekettik organdardyń aýmaqtyq departamentterine engizdi.
