تۇركىستان وبلىسىنىڭ پروكۋرولارى 80 ەرەكشە بالانىڭ قۇقىعى ورەسكەل بۇزىلعانىن انىقتادى، دەپ حابارلايدى Dalanews.kz.
كەنتاۋدا مۇمكىندىگى شەكتەۋلى بالالارعا ارنالعان جالعىز "ارنايى كاسىپتىك كوللەدج" ورىن تەپكەن. پروكۋراتۋرا تەكسەرىسى ناتيجەسىندە كوللەدج باسشىلىعى ۇزاق ۋاقىت بويى زاڭناما تالاپتارىن بۇزىپ، ەرەكشە ستۋدەنتتەردى مەملەكەتتىك قىزمەتتەرمەن تولىق قامتاماسىز ەتپەگەنى انىقتالدى.
"ساپاسىز ءبىلىم بەرۋ، وقىتۋشىلار قۇرامىنىڭ بىلىكتىلىك تالاپتارىنا سايكەس كەلمەۋى، سانيتارلىق جانە ورتكە قارسى نورمالاردىڭ ساقتالماعانى بەلگىلى بولدى. مەكەمەدە مەرزىمى وتكەن ازىق-تۇلىكتەر مەن مەديسينالىق پرەپاراتتار قولدانىلعان"، - دەلىنگەن حابارلامادا.
مەديسينالىق قارسى كورسەتىلىمدەرى مەن شەكتەۋلەرى بار تالاپكەرلەردى وقۋعا زاڭسىز قابىلداۋ فاكتىلەرىن بىلە تۇرا، تۇركىستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىلارى ءتيىستى شارا قابىلداماعان.
تەكسەرۋ ناتيجەسىمەن زاڭ بۇزۋشىلىقتاردى جويۋ جانە بالا قۇقىقتارىن قورعاۋ ماقساتىندا وبلىس پروكۋراتۋراسى 5 پروكۋرورلىق دەن قويۋ اكتىسىن وبلىس اكىمدىگىنە جانە مەملەكەتتىك ورگانداردىڭ اۋماقتىق دەپارتامەنتتەرىنە ەنگىزدى.
