Ońtústik Koreiada prezident Iýn Sok Ioldiń kómekshileri jappai otstavkaǵa ketti, dep habarlaidy Dalanews.kz.
Yonhap News málimetinshe, otstavkaǵa ketkender qatarynda prezident ákimshiliginiń basshysy Chon Djin Sok, ulttyq qaýipsizdik jónindegi keńesshi Sin Von Sik, saiasat máseleleri jónindegi ákimshilik basshysy Son Te Iýn jáne taǵy jeti aǵa kómekshi bar.
Bul Iýn Sok Ioldiń áskeri tótenshe jaǵdaiǵa bailanysty sheshiminen keiin qabyldandy. Prezident ol kezde oppozitsiiany “memleketke qarsy kúshter” dep aiyptap, olardy impichment usynystary men qysqartylǵan biýdjet arqyly el qyzmetin toqtatýǵa tyrysýda dep synaǵan edi.
Aita keteiik, Ońtústik Koreia Prezidenti Iýn Sok Iol 3 jeltoqsan kúni keshke elde tótenshe jaǵdai jariialaǵan bolatyn.
Memleket basshysynyń sózinshe, bul sheshim eldiń konstitýtsiialyq qurylymyn qorǵaý úshin mańyzdy.
“Áskeri jaǵdai Soltústik Koreiany jaqtaityn kúshterdi joiýǵa jáne konstitýtsiialyq qurylysty qorǵaýǵa yqpal etedi”, – dedi Prezident.
Iýn Sok Ioldiń sózinshe, oppozitsiia memlekettik qairatkerlerge impichment jariialaýǵa tyrysyp jatyr.
“Bul – erkin Koreia Respýblikasynyń konstitýtsiialyq qurylysyn buzatyn jáne Konstitýtsiia men zańdarmen bekitilgen zańdy memlekettik institýttardy joiyp, azamattyq soǵysty týdyrýǵa tyrysatyn aiqyn memleketke qarsy áreket”, – dedi Iýn Sok Iol.
Osyǵan bailanysty Koreiadaǵy Qazaqstan elshiligi qazaqstandyqtarǵa úndeý jasady.
Koreia Respýblikasy prezidenti Iýn Sok Eldiń áskeri jaǵdai engizýine bailanysty Koreia Respýblikasynda júrgen Qazaqstan Respýblikasynyń azamattaryn sabyrlyq saqtap, jergilikti biliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz.
Qazaqstan Respýblikasynyń azamattary úshin tótenshe jaǵdai týyndaǵan jaǵdaida, jedel bailanys úshin +8210-6572-9311telefony arqyly elshilikke habarlasýlaryńyzdy suraimyz!, - delingen elshilik taratqan habarlamada.
