Ońtústik Koreianyń Eastar Jet áýe kompaniiasy Inchhon men Almaty arasyna qatynaityn jańa reisti iske qospaq, dep habarlady Dalanews.kz.
Jańa baǵyt 2025 jyldyń 7 sáýirinen bastap qoljetimdi, ushaq aptasyna eki ret qatynaidy: dúisenbi jáne juma kúnderi.
Máselen, Boeing 737-8 jolaýshylar ushaǵy Inchhon halyqaralyq áýejaiynan saǵat 19:30-da ushyp shyqsa, Almaty qalasyna saǵat 22: 45-te kelip qonady eken. Keri reis saǵat 23:45-ke josparlanǵan ári ol kelesi kúni saǵat 9:50-de Ońtústik Koreiada bolady. Osy jaǵynan alǵanda, bul - Eastar Jet áýe kompaniiasy úshin eń uzaq ýaqytty alatyn baǵyttardyń biri.
Sáýir aiyna biletke tapsyrma bergenderge jeńildik bary aitylady. KGN rezidentteri qos tarapqa 400 dollar jumsaidy,al ushý mamyr-maýsym ailaryna josparlansa,onda baǵada, árine ózgeris bolady: 450 dollar. Bilet qunyna 15 kelige deiingi bir júk oryny jáne salmaǵy 10 keliden aspaýy tiis qol sómke de enedi.
Bárinen buryn, áýe tasymaly sapasyna shaǵymy bar eki el arasyna jii qatynaityn otandastarymyz úshin bul jaǵymdy jańalyq bolary sózsiz.
Aita ketsek, beiresmi derekter boiynsha, Ońtústik Koreiada búginderi shamamen 35 myń Qazaqstan azamaty bar, onyń 12 myńy zańsyz júrgen kórinedi.
