Ońtústik Koreiada búginde shamamen 15 myń qazaqstandyq bar, olardyń 11 myńy elde zańsyz júrgender qatarynda. Bul týraly Eńbek jáne halyqty áleýmettik qorǵaý birinshi vitse-ministri Asqarbek Ertaev málimdedi.
Onyń aitýynsha, Qazaqstan tarapy Koreiamen eńbek qyzmetin zańdastyrý jónindegi kelisimdi eki jyl boiy talqylap keledi. Alaida Koreiadaǵy saiasi ózgerister kelissóz protsesin ýaqytsha baiaýlatqan.
"Kúzdiń sońyna deiin kelissózdi jalǵastyrýdy josparlap otyrmyz. Óitkeni elimizden barǵan 15 myń adamnyń 11 myńy zańsyz jumys istep júr", — dedi Ertaev.
Sheneýnik sonymen qatar Koreia úkimeti Qazaqstannan zańsyz júrgen azamattar boiynsha naqty shara qabyldaýdy talap etkenin atap ótti.
"Zańsyz júrý - kóshi-qon erejelerin buzý. Sondyqtan azamattarǵa óz erkimen elge oralyp, keiin kelisim aiasynda resmi túrde jumysqa ornalasýǵa keńes beremiz", — dedi ol.
