Ekinshi deńgeidegi bankter onlain-nesieni tirkeý kezinde tutynýshyǵa bir rettik qod joldaityn bolady. Retteýshi organ alaiaqtardyń jolyn kesý maqsatynda onlain qaryz alýshyny tekserýdiń eki faktorlyq sharasyn qoldanýdy usynýda, dep habarlaidy Dalanews.kz.
QNRDA "QR-dyń keibir normativtik quqyqtyq aktilerine qarjy naryǵyn retteý máseleleri boiynsha ózgerister engizý týraly" atalǵan agenttik basqarmasy qaýlysynyń jobasyn ázirledi.
Qujat alaiaqtyq táýekelderdi basqarý bóligindegi normativtik quqyqtyq bazany jetildirý maqsatynda ázirlendi.
Bankter arasynda alaiaqtyq táýekelderin basqarýdyń ortaq tájiribesin belgileý maqsatynda antifrod-bólimshesiniń fýnktsiiasy kózdelip otyr, ol alaiaqtyqqa qarsy is-qimyl protsesteriniń jumysyn jáne úzdiksiz jaqsarýyn, Qazaqstan Respýblikasy Ulttyq Bankiniń Antifrod-ortalyǵyna derekter berý úshin banktiń antifrod-júiesindegi kúdikti operatsiialardy qosa alǵanda, alaiaqtyq operatsiialar boiynsha derekqordy júrgizýdi qamtamasyz etetin bolady.
"Qaýly jobasynda bankten onlain nesie alý kezinde biometriiadan basqa klienttiń mobildi qurylǵysyna bir rettik kod jiberý boiynsha qosymsha faktor engizý arqyly klientterdi sáikestendirý talaptaryn kúsheitý usynylady. Buǵan qosa mobildi qosymshada shaǵym túsirý, onyń ishinde alaiaqtyqqa qatysty shaǵym joldaý múmkindigi qarastyrylǵan".
Sondai-aq qaýly jobasyna "dropper" uǵymy engizilmek, banktiń dropperlerge qashyqtan qyzmet kórsetýin doǵara turý jáne ony qaita iske qosý tártibi retteledi.
Qujattyń tolyq mátinimen "Ashyq NQA" portalynan jáne agenttik saityndaǵy "Normativtik quqyqtyq baza" bóliminen tanysýǵa bolady.
