ەكىنشى دەڭگەيدەگى بانكتەر ونلاين-نەسيەنى تىركەۋ كەزىندە تۇتىنۋشىعا ءبىر رەتتىك قود جولدايتىن بولادى. رەتتەۋشى ورگان الاياقتاردىڭ جولىن كەسۋ ماقساتىندا ونلاين قارىز الۋشىنى تەكسەرۋدىڭ ەكى فاكتورلىق شاراسىن قولدانۋدى ۇسىنۋدا، دەپ حابارلايدى Dalanews.kz.
قنردا "قر-دىڭ كەيبىر نورماتيۆتىك قۇقىقتىق اكتىلەرىنە قارجى نارىعىن رەتتەۋ ماسەلەلەرى بويىنشا وزگەرىستەر ەنگىزۋ تۋرالى" اتالعان اگەنتتىك باسقارماسى قاۋلىسىنىڭ جوباسىن ازىرلەدى.
قۇجات الاياقتىق تاۋەكەلدەردى باسقارۋ بولىگىندەگى نورماتيۆتىك قۇقىقتىق بازانى جەتىلدىرۋ ماقساتىندا ازىرلەندى.
بانكتەر اراسىندا الاياقتىق تاۋەكەلدەرىن باسقارۋدىڭ ورتاق تاجىريبەسىن بەلگىلەۋ ماقساتىندا انتيفرود-بولىمشەسىنىڭ فۋنكسياسى كوزدەلىپ وتىر، ول الاياقتىققا قارسى ءىس-قيمىل پروسەستەرىنىڭ جۇمىسىن جانە ۇزدىكسىز جاقسارۋىن، قازاقستان رەسپۋبليكاسى ۇلتتىق بانكىنىڭ انتيفرود-ورتالىعىنا دەرەكتەر بەرۋ ءۇشىن بانكتىڭ انتيفرود-جۇيەسىندەگى كۇدىكتى وپەراسيالاردى قوسا العاندا، الاياقتىق وپەراسيالار بويىنشا دەرەكقوردى جۇرگىزۋدى قامتاماسىز ەتەتىن بولادى.
"قاۋلى جوباسىندا بانكتەن ونلاين نەسيە الۋ كەزىندە بيومەتريادان باسقا كليەنتتىڭ ءموبيلدى قۇرىلعىسىنا ءبىر رەتتىك كود جىبەرۋ بويىنشا قوسىمشا فاكتور ەنگىزۋ ارقىلى كليەنتتەردى سايكەستەندىرۋ تالاپتارىن كۇشەيتۋ ۇسىنىلادى. بۇعان قوسا ءموبيلدى قوسىمشادا شاعىم ءتۇسىرۋ، ونىڭ ىشىندە الاياقتىققا قاتىستى شاعىم جولداۋ مۇمكىندىگى قاراستىرىلعان".
سونداي-اق قاۋلى جوباسىنا "دروپپەر" ۇعىمى ەنگىزىلمەك، بانكتىڭ دروپپەرلەرگە قاشىقتان قىزمەت كورسەتۋىن دوعارا تۇرۋ جانە ونى قايتا ىسكە قوسۋ ءتارتىبى رەتتەلەدى.
قۇجاتتىڭ تولىق ماتىنىمەن "اشىق نقا" پورتالىنان جانە اگەنتتىك سايتىنداعى "نورماتيۆتىك قۇقىقتىق بازا" بولىمىنەن تانىسۋعا بولادى.
