Qazaqstanda onlain kazino jarnamasy úshin qylmystyq jaýapkershilik engizý usynyldy, dep habarlaidy Dalanews.kz.
Qarjylyq monitoring agenttigi tóraǵasynyń orynbasary Qairat Bijanov Úkimet otyrysynda tsifrlyq keńistiktegi jańa syn-qaterler týraly aitty. Onyń sózinshe, oqyrmany kóp otandyq blogerler ońai aqsha izdep, onlain qumar oiyndardy belsendi túrde jarnamalap, oǵan azamattardy tartyp jatyr.
"Osyndai 37 adam anyqtalyp, 18-i ákimshilik jaýapkershilikke tartyldy. Olardyń basym bóligi bul qadamǵa bilmestikten emes, jii-jii zań buzýǵa maqsatty túrde barady. Qumar oiyndardy jarnamalaýǵa qatysty tikelei jaýapkershilik bolmaýy jaǵdaidy qiyndatyp otyr. Osyǵan bailanysty qarjy piramidasyna uqsas onlain kazinolardy jarnamalaýǵa qylmystyq jaýapkershilik engizýdi usynamyz", - dedi Qairat Bijanov.
