قازاقستاندا ونلاين كازينو جارناماسى ٷشٸن قىلمىستىق جاۋاپكەرشٸلٸك ەنگٸزۋ ۇسىنىلدى, دەپ حابارلايدى Dalanews.kz.
قارجىلىق مونيتورينگ اگەنتتٸگٸ تٶراعاسىنىڭ ورىنباسارى قايرات بيجانوۆ ٷكٸمەت وتىرىسىندا تسيفرلىق كەڭٸستٸكتەگٸ جاڭا سىن-قاتەرلەر تۋرالى ايتتى. ونىڭ سٶزٸنشە, وقىرمانى كٶپ وتاندىق بلوگەرلەر وڭاي اقشا ٸزدەپ, ونلاين قۇمار ويىنداردى بەلسەندٸ تٷردە جارنامالاپ, وعان ازاماتتاردى تارتىپ جاتىر.
"وسىنداي 37 ادام انىقتالىپ, 18-ٸ ەكٸمشٸلٸك جاۋاپكەرشٸلٸككە تارتىلدى. ولاردىڭ باسىم بٶلٸگٸ بۇل قادامعا بٸلمەستٸكتەن ەمەس, جيٸ-جيٸ زاڭ بۇزۋعا ماقساتتى تٷردە بارادى. قۇمار ويىنداردى جارنامالاۋعا قاتىستى تٸكەلەي جاۋاپكەرشٸلٸك بولماۋى جاعدايدى قيىنداتىپ وتىر. وسىعان بايلانىستى قارجى پيراميداسىنا ۇقساس ونلاين كازينولاردى جارنامالاۋعا قىلمىستىق جاۋاپكەرشٸلٸك ەنگٸزۋدٸ ۇسىنامىز", - دەدٸ قايرات بيجانوۆ.
