Қазақстанда онлайн казино жарнамасы үшін қылмыстық жауапкершілік енгізу ұсынылды, деп хабарлайды Dalanews.kz.
Қаржылық мониторинг агенттігі төрағасының орынбасары Қайрат Бижанов Үкімет отырысында цифрлық кеңістіктегі жаңа сын-қатерлер туралы айтты. Оның сөзінше, оқырманы көп отандық блогерлер оңай ақша іздеп, онлайн құмар ойындарды белсенді түрде жарнамалап, оған азаматтарды тартып жатыр.
"Осындай 37 адам анықталып, 18-і әкімшілік жауапкершілікке тартылды. Олардың басым бөлігі бұл қадамға білместіктен емес, жиі-жиі заң бұзуға мақсатты түрде барады. Құмар ойындарды жарнамалауға қатысты тікелей жауапкершілік болмауы жағдайды қиындатып отыр. Осыған байланысты қаржы пирамидасына ұқсас онлайн казиноларды жарнамалауға қылмыстық жауапкершілік енгізуді ұсынамыз", - деді Қайрат Бижанов.
