"Onlain dáýir aiaqtaldy". Oqýshylar 1 qyrkúiekten bastap mektepke baryp oqidy
Joǵary oqý oryndarynda 18 jastan asqan stýdentter de vaktsinalanýy nemese qashyqtan oqytýǵa aýystyrylýǵa tiis. Keńes músheleri oflain oqýǵa oralý úshin sanitarlyq talaptar qatań saqtalýy kerek dep otyr.
"Mektepterdegi saqtyq sharalary buqaralyq is-sharalardy ótkizýge tyiym salýdy, synyptardy bólýdi jáne ártúrli synyptar úshin úzilis ýaqytyn bólýdi, ashanada tamaqtaný barysyna baqylaýdy kúsheitýdi qamtidy", - dedi densaýlyq saqtaý ministrliginiń bas memlekettik sanitar dárigeri Erlan Qiiasov.
Al bilim jáne ǵylym vitse-ministri Sholpan Karinova 1 qyrkúiekten bastap 7,5 myńǵa jýyq mektepti ashý josparlanyp otyrǵanyn jetkizdi. Sondai-aq, ol "Nur Otan" partiiasynyń sailaýaldy baǵdarlamasyn oryndaýǵa arnalǵan "Jol kartasy" aiasynda biyl 200 mektep salý jáne 1 myń mektepti jańartý mindeti turǵanyn atap ótti.
"Ár synyptaǵy oqýshy sany 25-ten aspaýy kerek degen talap qoiyldy. Ata-analar sanitarlyq-gigienalyq erejelerdi saqtaýy úshin arnaiy jumystar júrgizilýde", - dedi Sholpan Karinova.
