Ǵylym qyzmetkerleri kúni qarsańynda I.Jansúgirov atyndaǵy Jetisý ýniversitetinde QR Ǵylym jáne joǵary bilim ministrligi baspasóz qyzmetiniń qoldaýymen respýblikalyq «Qaz365.kz», «Newsroom. kz» aqparattyq portaly, «Sovremennoe obrazovanie» jýrnaly, «Qazaqstan», «Jetisý» telaranasy, oblystyq «Vestnik Jetisý», «Jetisý» gazetteri jáne basqa BAQ ókilderiniń qatysýymen baspasóz týry uiymdastyryldy, dep habarlaidy Dalanews.kz
I.Jansúgirov atyndaǵy Jetisý ýniversitetiniń tynys-tirshiligimen tanysýǵa kelgen jýrnalisterge Basqarma tóraǵasy – rektor Ermek Bóribaev bilim ordasynyń búgingi damý qarqynymen tanystyrdy. BAQ ókilderi aldymen bas oqý ǵimaratynda ornalasqan «Bilim alýshylarǵa qyzmet kórsetý ortalyǵy», oqý-teleradiostýdiiasy, mýltimediialyq beinestýdiia, kriminalistika jáne oqý-sot zalyn, inkliýzivti bilim berýge arnalǵan arnaiy kabinetterdi aralady.
«Arnaiy bilim berý máselelerin zertteý» ortalyǵy jýrnalisterdiń nazaryn erekshe aýdardy. Ortalyq kórý, estý, tirek-qimyl apparaty jáne taǵy basqa damýynda shekteýi bar balalarǵa arnalǵan arnaiy qurylǵylarmen jabdyqtalǵan. Erekshe bilim berý qajettilikteri bar stýdentterge oqý-tárbie jumysyn uiymdastyrýda ortalyqtyń mańyzy zor.
Jýrnalister «Hýavei» ortalyǵynyń IT salasyndaǵy jumysymen tanysyp, stýdentterden quralǵan «Enactus Zhetysu» komandasynyń múshelerimen suhbattasty. Komanda kapitany Asqar Rahym innovatsiialyq jobalarymen tanystyryp, aldaǵy josparlaryn aitty.
Sonymen qatar ýniversitet janynan ashylǵan Marke politehnikalyq ýniversitetiniń filialyn aralady. Onda qos diplomdy baǵdarlama boiynsha agrarlyq sala mamandary daiarlanyp jatyr. Filialda stýdentter eýropalyq professorlardan dáris alyp, bakalavr dárejesi boiynsha qazaqstandyq jáne italiiandyq diplomǵa ie bolady.
Jetisý ýniversiteti óńirlik joǵary oqý orny bolǵanymen ǵylymi tehnikalyq bazasy damyǵan, áleýeti zor bilim ordasy. Qazirgi tańda ýniversitette 8 nysanaly-baǵdarlamaly qarjylandyrý, 7 granttyq qarjylandyrý, 11 «Jas ǵalym» granttyq qarjylandyrý, 1 kommertsializatsiia baǵyty boiynsha jobalar júzege asyrylyp jatyr.
Jýrnalister Biotehnologiia jáne ekologiia ǵylymi-zertteý institýtyna baryp, irgeli ǵylymi zertteý jumystarymen tanysty. Akademiialyq artyqshylyq jáne Speed breeding ortalyǵyn aralady. Orta Aziiada analogy joq Speed breeding ortalyǵynda ósirilip jatqan dándi-daqyldar men alma aǵashtarynyń túrlerin kórdi. Ýniversitet basshysy Ermek Ábiltaiuly zamanaýi tehnikalyq quraldarmen jabdyqtalǵan laboratoriialar ǵylymmen ainalysatyn jas ǵalymdar men oqytýshylarǵa, stýdentterge zor múmkindik týdyryp otyrǵanyn aitty.
Jas ónertapqyshtar J. Ahmetov, A. Ibraimov, Q. Jaqpaevtyń avtorlyǵymen jasalǵan «Smart-mototsikl», «Elektrlik pitbaik», «Elektrlik tritsikl» jýrnalisterdiń qyzyǵýshylyǵyn týdyrdy. Sondai-aq, olar bilim ordasyn jiHazben qamtamasyz etip otyrǵan «Óndiristik tsehta» bolyp, Stýdentter úiin aralady.
Baspasóz týryna jinalǵan tórtinshi bilik ókilderi Jetisý ýniversitetiniń infraqurylymy men ǵylymi áleýetiniń jańa deńgeige kóterilgenine kóz jetkizdi.
