Shyǵys Qazaqstan oblysyndaǵy shujyq óndirisi sońǵy jyldary qarqyndy damyp, aimaqtaǵy aýyl sharýashylyǵy men óńdeý ónerkásibiniń mańyzdy salalarynyń birine ainaldy.
Óńirdiń tabiǵi jaǵdailary men aýyl sharýashylyǵynyń múmkindikteri shujyq óndirisiniń damýyna yqpal etip, sapaly jáne ár túrli ónimder shyǵarýǵa múmkindik beredi.
Osyǵan orai, oblysta zamanaýi tehnologiialar men joǵary sapaly qural-jabdyqtardy qoldanatyn kásiporyndar ashylyp, óndiris kólemi artýda.
Solardyń biri – Óskemen qalasynda «Alex» jáne «Mereke» taýarlyq markisimen óndiriletin shujyq ónimderi.
Mundaǵy óndiristiń damýy tek kóleminiń artýymen ǵana emes, sonymen qatar ónimniń sapasy men túrleriniń san alýandyǵymen de erekshelenedi.
«Biz «Damý» baǵdarlamasymen jumys isteimiz. Otandyq ónim óndiretin kásipkerlerge memleket tarapynan qoldaý kórsetiledi. Tseh ashylǵannan beri jeńildetilgen nesie alyp, jumysymyzdy júrgizip otyrmyz. Óndiris ornynda 20 adam eńbek etedi, 40 túrli shujyq jáne et ónimderin shyǵaramyz»,-deidi kásiporyn basshysy Aleksei Shedrin.
Atap aitsaq, ystalǵan, qaqtalǵan shujyq, delikates, shoshqa eti qosylmai, tek siyr men qus etinen, tabiǵi ingredienttermen jasalǵan ónimder ishki naryqta úlken suranysqa ie bolýda. Munda kásiporynnyń óz tehnologtary oilap shyǵarǵan avtorlyq shujyqtar da óndiriledi.
Ónimder negizinen oblys tutynýshylaryn qamtyp otyr, sonymen qatar Qaraǵandy, Pavlodar qalalaryna da jiberiledi.
Satý bóliminiń basshysy Galina Parhomenkonyń sózinshe, eńbekkerlerdiń jalaqysy men zańda kózdelgen barlyq áleýmettik tólemder der kezinde tólenedi.
«Alex» jáne «Mereke» taýarlyq markisiniń ónimderi 2023 jyly «Damý» kásipkerlikti damytý qory uiymdastyrǵan otandyq óndirýshilerdiń «Ulttyq ónim» kórmesi aiasyndaǵy «Halyq tańdaýy» baiqaýynda «Eń úzdik jartylai ystalǵan shujyq» atalymy boiynsha jeńimpaz atanǵan.
Kásiporyn qosymsha zamanaýi qural-jabdyqtar alyp, óndiris kólemi men jumys oryndarynyń sanyn arttyrýdy, sonymen qatar biyldan bastap shujyq ónimderimen qatar, manty, túshpara siiaqty jartylai daiyn ónimder shyǵarýdy kózdep otyr.
Sýretter: baspasóz qyzmetinen
Joǵary sapaly ónimder men avtomattandyrylǵan jańa tehnologiialardyń engizilýi bul salanyń bolashaǵyna úlken úmit beredi. Sonymen qatar, ishki naryqtyń keńeiýi oblys ekonomikasyna qosymsha tabys ákelip, shujyq óndirisiniń elimizdiń azyq-túlik naryǵyndaǵy ornyn nyǵaitýǵa múmkindik beredi.
