Óńirde 83 kópqabatty túrǵyn úi kúrdeli jóndeýden ótedi
Basqarma basshysynyń aitýynsha, biyl 83 kópqabatty túrǵyn úi kúrdeli jóndeý jumystaryna 1,2 mlrd teńge qarjy qarastyrylmaq. Sondai-aq, 9 kópqabatty turǵyn úidiń seismikalyq ahýalyn nyǵaitý úshin 453,5 mln. teńge qarjy bólý josparlanýda.
– Qazirgi tańda Ońtústik Qazaqstan oblysynda 3 518 kópqabatty turǵyn úi bar. Onyń 1393-i iaǵni 39,6 paiyzy kúrdeli jóndeýdi, 20-sy seismikalyq nyǵaitýdy qajet etedi. Oblystaǵy kópqabatty turǵyn úilerdi kúrdeli jóndeýdiń 2017-2020 jyldarǵa arnalǵan keshendi is-shara josparyna sáikes, 2020 jylǵa qosymsha 488 kópqabatty turǵyn úidi kúrdeli jóndeýden ótkizý josparlanǵan bolatyn. Bul baǵytqa 6 mlrd. 861 mln. teńge baǵyttalýy tiis. Nátijesinde kúrdeli jóndeýdi talap etetin turǵyn úilerdiń úlesin 39,6 paiyzdan 25,7 paiyzǵa tómendetý kózdelip otyr, – dedi Marǵulan Zulqarnaiuly.
2016 jyly óńirimizdegi kópqabatty turǵyn úilerdi jóndeýge qarjy bólinbegen. Ótken jyly jyl qorytyndysymen kúrdeli jóndeýdi qajet etetin úilerdiń úlesi 44,4 paiyzdan 42,5 paiyzǵa tómendep, 19 775 páter turǵyndarynyń turmystyq jaǵdaiy jaqsarypty. Budan bólek, byltyrǵy jyly oblystyq biýdjetten 723,4 mln. teńge bólinip, Shymkent qalasynyń seismikalyq nyǵaitýdy qajet etetin 7 úige kúrdeli jóndeý jumystary júrgizilipti.
Baspasóz máslihaty barysynda basqarma basshysy kópqabatty úilerdi jylýmen qamtý máselesine erekshe toqtalyp ótti. Búginde óńirde ortalyqtandyrylǵan jylýmen qamtamasyz etetin 16 jylý berýshi kásiporyn men 1108 kishi qazandyq jumys isteidi. Jylý qubyrlarynyń jalpy uzyndyǵy 610,1 shaqyrymdy quraidy. Osy baǵytta sońǵy 3 jylda 5 mlrd.teńge kóleminde qarjy bólinip, 153 shaqyrym jylý qubyrlary qaita qurylyp, tozyǵy jetý deńgeii 51 paiyzdan 35 paiyzǵa tómendetilipti. Qazirgi kezde oblystyń jylý berý barysy shtattyq rejimde ótýde. Barlyq mekemeler qajetti katty jáne suiyq otynmen qamtamasyz etilgen.
Oblys turǵyndarynyń kómir otynyna suranysy 1 mln.tonnany quraidy. Onyń ishinde turǵyndarǵa qajetti 750 myń, jylyjailarǵa 250 myń tonna qajet. Búgingi kúni suranystyń 85 paiyzy qamtamasyz etilip, kómir tasmalynyń jumysy jalǵasýda.
OQO ákiminiń baspasóz qyzmeti
