Óńirde 76,8 myń tonna jemis-jidek jinaldy
Oblysta jemis-jidek daqyldary men júzimniń barlyq egis kólemi – 30 myń gektardy alyp jatyr. Onyń ishinde jemis – 19,5 myń gektar bolsa, júzim 10,5 myń gektardy quraidy.
Aǵymdaǵy jyly oblys ákimi Janseiit Túimebaevtyń tapsyrmasyna sáikes, qosymsha 0,94 myń gektar qarqyndy baý, 0,57 myń gektar júzim, 0,207 myń gektar jańǵaq egildi. Jalpy oblys boiynsha qarqyndy baýdyń kólemi – 3,7 myń gektardy quraidy.
Aita keterligi, aǵymdaǵy jyly 85 myń tonna jemis-jidek jáne 70 myń tonna júzim jinaý josparlanyp, búgingi tańǵa 76,8 myń tonna jemis-jidek pen 22,6 myń tonna júzim jinaldy. Jinaý jumystary áli de jalǵasýda. Jinalǵan ónimder negizinen respýblikanyń aimaqtary men kórshi memleketterge jóneltilýde.
Jalpy, baý sharýashylyǵynan túsetin tabys maqta sharýashylyǵymen salystyrǵanda 2,5 ese, al baqsha sharýashylyǵymen salystyrǵanda 2 ese artyq bolatyndyqtan baý sharýashylyǵyn órkendetý isi oblysta qarqyn alyp, aldaǵy ýaqytta qarqyndy baýdyń egis kólemin 10 myń gektarǵa ulǵaitý josparlanýda.
Túrkistan oblysy ákiminiń baspasóz qyzmeti
