Aýdandyq jáne oblystyq baspasóz muraǵatyn saqtaý – ulttyq mańyzy bar másele, dep málimdedi senator Bibigúl Jeksenbai depýtattyq saýalynda, dep habarlaidy Dalanews.kz.
Senatordyń aitýynsha, Qazaqstanda 200-den astam aýdandyq jáne qalalyq gazet bar, olardyń kópshiligi júz jyldan astam ýaqyt boiy úzdiksiz shyǵyp keledi. Bul basylymdar óńirlerdiń áleýmettik-ekonomikalyq damýyn, jergilikti bilik sheshimderin jáne eldi mekenderdiń kúndelikti ómirin júieli túrde tirkep otyrǵan.
Alaida sońǵy jyldary aýdandyq baspasóz arhivteri joǵalý qaýpine tap bolyp otyr. Redaktsiialar jabylǵan nemese qaita uiymdastyrylǵan kezde kóptegen muraǵattar joiylyp ketken. Sonymen qatar 1930–2000 jyldary shyqqan aýdandyq gazetterdiń biryńǵai tsifrlyq tizilimi men tolyq elektrondyq qory joq.
Bibigúl Jeksenbai bul jaǵdaidyń quqyqtyq táýekelder týdyratynyn atap ótti. Sebebi 1990–2000 jyldary kóptegen resmi sheshimder tek aýdandyq gazetterde jariialanǵan. Muraǵattardyń joǵalýy azamattardyń quqyqtaryn qorǵaýǵa jáne sot tájiribesine keri áser etýi múmkin.
«Aýdandyq gazetter – táýelsizdik jyldarynyń shynaiy shejiresi, óńir tarihynyń baǵa jetpes derekkózi. Arhivterdi qabyldaý, saqtaý jáne tsifrlandyrý tártibi óńirlerde árkelki. Biryńǵai ulttyq standart pen jaýapty operator aiqyndalmaǵan», – dedi senator.
Ol halyqaralyq tájiribede aimaqtyq basylymdar arhivteri ulttyq basymdyq retinde qarastyrylatynyn eske saldy. AQSh, Ulybritaniia, Frantsiia jáne Germaniiada mundai qorlar ulttyq arhivterge ótkizilip, memlekettik baǵdarlamalar aiasynda tsifrlandyrylady.
Osyǵan bailanysty senator barlyq óńirlerde aýdandyq gazetter arhivterine tolyq inventarizatsiia júrgizýdi, olardy saqtaý men tsifrlandyrýdyń biryńǵai ulttyq standartyn ázirleýdi usyndy. Sondai-aq birtutas tsifrlyq aýdandyq baspasóz arhivin qurý, jabylǵan redaktsiialardyń barlyq qoryn mindetti túrde memlekettik arhivterge tapsyrý tártibin engizý qajet ekenin aitty.
