«Ónerli ólke» oblystyq óner festivali aiasyndaǵy Túrkistan qalasynyń mádeniet kúnderi qorytyndylandy. «Kerýen sarai» týristik kesheninde ótken gala-kontsertke qala ákimi Nurbol Turashbekov qatysyp, sahna tórinde jurtshylyqqa jyly lebizin bildirdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Biyl Túrkistan – túrki memleketteriniń týrizm astanasy mártebesin ielendi. Memleket basshysy Qasym-Jomart Toqaev túrki órkenietin jańǵyrtýdy Túrkistandy álemge tanytýdan bastaý kerek dep, kóne shaharǵa erekshe mán berip keledi. Qalamyz aldaǵy ýaqytta da baýyrlas elderge ortaq rýhani astana retinde dami beretini sózsiz, – dedi qala basshysy.
Mádeni sharaǵa qala turǵyndary men qonaqtary, oblystyq jáne qalalyq máslihat depýtattary men ziialy qaýym ókilderi qatysty. Gala-kontsertte elimizge tanymal estrada juldyzdary Zattybek Kópbosynuly men Keńes Álimjan án shyrqap, qalyń kópshilikke kóterińki kóńil-kúi syilady.
Kontserttik baǵdarlamada «Iassy» halyqtyq bi ansambli myń burala bi bilep, qalalyq mádeniet úiiniń ónerpazdary qońyr únmen Túrkistan aspanyn sazǵa bóledi. Óner súier qaýym ánshilermen qosyla án aityp, merekelik keshtiń sánin kirgizdi.
Aita keteiik, eki kúnge sozylǵan mádeniet kúnderi barysynda Etnoaýylda ulttyq qundylyqtar nasihattalyp, tól ónerimiz pash etildi. Kelesi kóshti 23-24 tamyz kúnderi Jetisai aýdanynyń ónerpazdary jalǵaidy.
