Túrkistanda «Ónerli ólke» oblystyq óner festivali aiasynda Jetisai aýdanynyń mádeniet kúnderi ótti. Eki kúnge sozylǵan sharany «Kerýen sarai» kesheninde aýdan ónerpazdarynyń qatysýymen ótken gala-kontsert qorytyndylady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Saltanatty sharany Jetisai aýdany ákiminiń orynbasary Serik Pirimbekov ashyp berip, Túrkistan jurtshylyǵyna izgi tilekterin bildirdi.
Mádeni sharada aýdannan shyqqan tanymal tulǵalardyń týyndylary men ásem án de, kúmbirlegen kúi de, myń buralǵan bi de kórinis tapty. Keshtiń arnaiy qonaǵy, qazaq estradasynyń juldyzdary, jetisailyq Asan Perdeshov pen Joldasbek Ábdihanov qala turǵyndary men qonaqtaryna merekelik kóńil-kúi syilady.
Sharanyń alǵashqy kúninde Etnoaýylda qylqalam jáne qolóner sheberleriniń kórmesi men ulttyq salt-dástúr men ádep-ǵuryptar kórinisi, arqan tartý, qazaqsha kúres, qoshqar kóterý, asyq atý, qol kúresi men sadaq atý, girtasyn kóterý syndy ulttyq sporttyq oiyndardan jarys uiymdastyryldy.
Al ekinshi kúni aýdannyń shyǵarmashylyq óner mektepteri búldirshinderiniń kontserttik baǵdarlamasy men «Asyqata» halyq teatrynyń kórinisteri kópshilik nazaryna usyndy.
