Búgin «Azamattarǵa arnalǵan úkimet» memlekettik korporasıasynyń  Shymkenttegi fılıalynda «Juldyzdardyń HQO-daǵy bir kúni» atty respýblıkalyq aksıasy ótti. Bul kúni otandyq estrada juldyzdary Halyqqa qyzmet kórsetý ortalyǵy operatorlarynyń keıpine endi.

Aksıaǵa ataqty ánshi Azızhan Shekerbekov, «Nysana», «Shanshar», «Shymkent-shoý» teatrlarynyń akterleri Dáýren Jumadilov, Nurbol Aıtulov, Abaı Aıazbaev, Nurjan  Qulshynbaev, Jaras Ahmetov, Nartaı Súleımenov jáne  álem chempıondary belgili boksshy Birjan Jaqypov, Qaırat Eralıev, boksshy Zakır Safıýllıl, Bekdáýlet  Ibragımov, sondaı-aq, Shymkent máslıhatynyń depýtattary qatysty. Shoý-bıznes juldyzdary azamattardyń qujattaryn qabyldap, HQO  qyzmetkerleriniń róline úlken qyzyǵýshylyq tanytty.

Olar front-ofıske kelýshilerdiń memlekettik qyzmetterge qatysty suraqtaryna jaýap berip, elektrondy kezek talonyn usynyp, resepshndegi ótinishterdi toltyrýǵa kómektesti.

– Azamattarǵa arnalǵan úkimet» Shymkent qalalyq fılıalynyń dı⁠rektory Baqyt Basymbek atap ótkendeı, tanymal azamattar HQO mamandarynyń rólin tamasha oryndap shyqqan. «Bizdiń juldyzdarymyz keremet jumys jasady. Árıne, olarǵa bizdiń operator qyzmetkerlerimiz belsendi túrde kómektesti, aıtqandaı- aq, olar tanymal tulǵalarmen qýana-qýana jumys jasady. Al búgin bizge kelgen qyzmet alýshylar Azızhan Shekerbekov, Birjan Jaqypov jáne basqa juldyzdar qarsy alǵanyna tań qalyp, olardan estelikke qoltańba aldy, – deıdi Basymbek.

Qazirgi tańda shymkenttikter memlekettik qyzmetterdi 10 front-ofısten ala alady. Bıylǵy jyldyń 9 aıynda qaladaǵy HQO mamandary turǵyndarǵa 1 526 057  memlekettik qyzmet kórsetken.

 

Altynaı TATAEVA, «Azamattarǵa arnalǵan úkimet» memlekettik korporasıasy» KE AQ Shymkent qalasy boıynsha fılıalynyń PR-menedjer