– Elbasynyń Túrkistanǵa tarihi mártebesin qaitarý isine basa nazar aýdarýynda úlken mán jatyr. Sebebi, Túrkistan – san ǵasyrlyq tarihy bar qasietti meken, Eýropa men Aziiany toǵystyryp jatqan Uly Jibek jolynyń kúretamyry, Qazaq handyǵynyń astanasy bolǵan kieli qala. Túrki jurtynyń Orta Aziia men Qazaqstandaǵy teńdesiz tarihi jádiger Qoja Ahmet Iasaýi kesenesi oryn tepken jer. Osylaisha túbi bir Túrki elderi rýhani ortalyǵy retinde qasterleitin Túrkistan qalasy qazir alyp qurylys alańyna ainalyp, damýdyń jańa satysyna kóterildi, – dedi Ómirzaq Shókeev.
– 31 naýryzda «Túrkistan – túrki áleminiń rýhani astanasy» taqyrybynda ótken túrki tildes memleketterdiń yntymaqtastyq keńesiniń beiresmi sammiti óte tabysty aiaqtaldy. Ári tarihi ádildik ornap, Túrkistan túrki áleminiń rýhani astanasy bolyp bekitildi, – dedi oblys ákimi.
Túrkistan qalasy Bas josparynyń jobasyna sáikes, qala ainalasynan 8 myńǵa jýyq gektar aýmaqqa «Jasyl beldeý» qurý jospary jyl sońyna deiin tolyq júzege asady. Bul jazy ystyq Túrkistannyń jasyl jelekke oranýyna sep bolmaq.
– Bul jumystardyń barlyǵy tikelei Memleket basshysy Qasym-Jomart Toqaevtyń qadaǵalaýymen júzege asyp otyr. Qazirgi tańda Túrkistan qalasy – halyqaralyq sharalar men saiasi-ekonomikalyq mańyzdy basqosýlar ótkizýge tolyq daiyn. Men túrkitildes eldermen birge ótkizetin aitýly jobalardy kúlli túrki jurtynyń astanasy – Túrkistanda ótkizýge shaqyramyn!, – dedi oblys ákimi óz sózinde.
– Túrkistan – qazaq jurtyna ǵana emes, kúlli Túrki elderine ortaq qasietti uǵym, rýhani ortalyq. Demek, onyń tarihy da, rýhani damýy da baýyrlas elderdi ortaq maqsatqa jumyldyratyn baǵdar bolýy tiis. Osy maqsatta ótip jatqan búgingi jiynnyń Túrkistannyń ashylmaǵan tarihi qupiialary men tereń tarihyn keńinen tanýǵa múmkindik beredi dep senemin. Barshańyzdy Túrki jurtynyń rýhani shahary Túrkistandy barlyq baǵytta damytý jumystaryna belsene atsalysýǵa shaqyramyn! – dedi Ómirzaq Shókeev.
Elbasy kitaphanasynda ótip jatqan «Túrkistan – Túrki áleminiń rýhani astanasy» halyqaralyq onlain-konferentsiiasy Qazaqstan Respýblikasynyń Tuńǵysh Prezidenti – Elbasy kitaphanasy, Mádeniet jáne sport ministrligi jáne Nursultan Nazarbaev Qorynyń uiytqy bolýymen uiymdastyrylyp otyr.
Konferentsiiaǵa qazaqstandyq jáne sheteldik memleket qairatkerleri men ǵalymdar qatysyp otyr. Olardyń qatarynda Túrkistan oblysynyń ákimi Ó.Shókeev, Mádeniet jáne sport ministri A. Raiymqulova, Syrtqy ister ministriniń birinshi orynbasary Sh. Nuryshev, Túrkiia Respýblikasy Prezidentiniń keńesshisi Ia.Topchý, Túrkitildes memleketter yntymaqtastyǵy keńesiniń Bas hatshysy B.Ámireev, Ázerbaijan Respýblikasy Ulttyq Májilisiniń depýtaty, Ázerbaijandaǵy Atatúrik ortalyǵynyń tóraǵasy N.Djafarov, Halyqaralyq Túrki akademiiasynyń prezidenti D. Qydyráli, TÚRKSOI Bas hatshysynyń orynbasary B. Chakydji, arheolog Z.Samashev, Mirzo Ulyqbek atyndaǵy Ózbekstan Ulttyq ýniversitetiniń «Filosofiia jáne rýhaniiat negizderi» kafedrasynyń meńgerýshisi N.Shermýhamedova jáne basqalar bar.
