Otyrar aýdanyna qarasty Temir aýylynyń mádenıet úıinde jáne Temir aýyldyq kitaphanasynyń uıymdastyrýymen Elbasynyń "Rýhanı jańǵyrý" baǵdarlamasy aıasynda jergilikti aqyn Qanybek Sarybaevtyń jyrlaryn nasıhattaý maqsatynda kórnekti aqyn Qanybek Sarybaevtyń 80 jyldyq mereıtoıyna arnalǵan "Ómirden ótsem de, óleńnen ketpeımin" atty jyr múshaırasy ótti.

Jyr múshaırany Mádenıet jáne tilderdi damytý bóliminiń basshysy Úmbet Eltaı Bazarhanuly men Temir aýyl ákimshiliginiń bas mamany Erqulov Temirhan ashyp berdi. Jyr múshaırada Qanybek atamyzdyń sózine jazylǵan"Ardan qymbat joq buıym" termesin jyrshy, termeshi Muhtar Asanov jáne Q.Sarybaevtyń sózine jazylǵan"Atasynyń balasy" ánin Aqádil Orazov oryndady.Qanybek atamyzdyń urpaqtary da ónerden qur alaqan emes ekendigin kórsetip, Q.Sarybaevtyń egiz shóberesi kúı tartyp, halyqtyń ystyq yqylasyna bólendi.Jyr múshaıraǵa 26 oqýshy qatysyp, baıqaýdyń eki kezeńi boıynsha ónerlerin kórsetti.Birinshi kezeńde qatysýshylar Q.Sarybaevtyń óleńderin mánerlep jatqa oqysa,ekinshi kezeńde qatysýshylar óz shyǵarmashylyǵynan óleń oqydy. Eki kezeńnen de súrinbeı ótken jeńimpazdar júldeli oryndarmen, arnaıy aqshalaı syılyqtarmen marapattaldy.

İ-oryn Temir orta mektebiniń oqýshysy Asan Órken

İİ-oryn Temir orta mektebiniń oqýshysy Japparova Zarına

İİ-oryn Temir orta mektebiniń oqýshysy Tasjanova Tańsholpan

İİİ-oryn Temir orta mektebiniń oqýshysy Marat Dılnaz

İİİ-oryn Temir orta mektebiniń oqýshysy Qydyráliuly Ádilhan

"Kesteli sóz sheberi" nomınasıasymen Abdrahman Súndet, "Kórermender kózaıymy" nomınasıasymen Saryqulov Sharapat marapattalyp, barlyq qatysýshylarǵa arnaıy M.Shahanovtyń "Muhtar Shahanovtyń álem moıyndaǵan shynshyl rýhy jáne ustanymy" atty kitaby syıǵa berildi.

Dalanews.kz