Ádette biz latteniń qandai baǵada satylatynyn jobalai alamyz, sonymen qatar qandai krossovkanyń bizge shaq keletinin birden anyqtaimyz. Al qarjy uiymdaryna qatysty biz bulai aita almaimyz.
Óitkeni kúndelikti tutynbaityn taýarlardyń naqty baǵasyn aityp berý qiynǵa soǵady. Sondyqtan da tutynýshy retinde qarjylyq ónimniń sapasy men ádiletti baǵasyn bile bermeimiz. Bul másele saqtandyrý polisterine de qatysty.
Búgingi kúni Qazaqstannyń saqtandyrý naryǵynda ómirdi saqtandyrý boiynsha 9 kompaniia jumys isteidi. Olardyń barlyǵy aitarlyqtai uqsas qyzmetterdi kórsetedi jáne de potentsialdy klientter úshin qai saqtandyrý uiymyna basymdyq tanytý kezinde kúrdeli tańdaýǵa tap bolady. Tómende ómirdi saqtandyrý kompaniiasyn tańdaý barysynda nazar aýdarýǵa turatyn negizgi tetikter kórsetilgen.
Litsenziianyń bolýy
Qazaqstan Respýblikasynyń zańnamasyna sáikes, saqtandyrý qyzmetin júzege asyrý tiisti litsenziianyń bolǵan jaǵdaiynda ǵana ruqsat etiledi. Qarjy naryǵyn jáne qarjy uiymdaryn retteý, baqylaý men qadaǵalaý jónindegi ýákiletti organ bergen litsenziiaǵa sáikes, saqtandyrý uiymy týraly, onyń saqtandyrý sanattarymen - Siz saqtandyrý uiymynyń resmi internet-resýrsynda tanysa alasyz.
Sonymen qatar, ómirdi saqtandyrý kompaniiasynyń litsenziiasy bar ma, joq pa - retteýshi saityndaǵy ruqsattar men habarlamalar tizilimi bóliminen teksere alasyz – gov.kz.
(https://www.gov.kz/memleket/entities/ardfm/documents/details/45288?lang=ru).
Tólem qabileti
Ómirdi saqtandyrýdy satyp ala otyryp, siz uzaq merzimdi kezeńge shart (polis) jasaisyz. Sizdiń polisińiz boiynsha tólemge deiin ondaǵan jyldar qajet bolýy múmkin, ásirese ómirdi ómir boiy saqtandyrý kezinde, sizge ekonomikanyń, qarjy naryǵynyń órleýi men quldyraýyna tótep bere alatyn kompaniia qajet. Kóbinese tólem qabilettiligi dep atalatyn bul sapa kórsetkishi prýdentsiialyq standarttarmen, sondai-aq Standard & Poor 's, A. M. Best jáne Moody' s siiaqty kompaniialar taǵaiyndaityn qarjylyq turaqtylyq reitingterimen ólshenedi.
Saqtandyrý uiymdary berilgen reitingteri týraly aqparatty ózderiniń resmi internet-resýrstarynda jariialaidy, al saqtandyrý (qaita saqtandyrý) uiymdarynyń prýdentsialdyq normativterdi oryndaýy týraly málimetter Qazaqstan Respýblikasy Ulttyq Bankiniń saitynda ornalastyrylǵan. (https://www.nationalbank.kz/ru/news/svedeniya-o-vypolnenii-strahovymi-perestrahovochnymi/rubrics/1609).
Qarjylyq kórsetkishter
Saqtandyrý kompaniiasynyń senimdiligin anyqtaý úshin onyń qarjylyq kórsetkishterin baǵalaý mańyzdy. Mysaly, kompaniianyń menshikti kapitalynyń mólsheri, saqtandyrý syiaqylary, saqtandyrý tólemderiniń kólemi jáne t. b.
Sonymen qatar, saqtandyrý kompaniialarynyń qarjylyq kórsetkishterin zertteý kezinde joǵaryda aitylǵan halyqaralyq qarjy agenttikteriniń reitingteri kómektesedi, óitkeni olar baǵalaý úshin kompaniialardyń qarjylyq eseptiligin paidalanady.
Saqtandyrý sharttary
Saqtanýshylar úshin ómirdi saqtandyrý boiynsha birneshe kompaniia kúresip jatatyndyqtan, saqtanýshylarda kompaniiany tek baǵa saiasatyna qarai tańdaýǵa yqylas týyndaýy múmkin. Kóbinese saqtandyrý ónimin tańdaý tek qun negizinde jáne saqtandyrý sharttaryn tereń saralaýsyz júzege asyrylady.
Sharttaryn zań aiqyndaityn mindetti saqtandyrýdyń sanattaryna qaraǵanda, erikti saqtandyrýdyń sharttary ár túrli saqtandyrýshylarda tiisinshe árqily bolady. Osyǵan bailanysty Sharttyń talaptarynda «tuzaq tastarynyń» jasyryný qaýpi bar, olar, ókinishke orai, saqtandyrý jaǵdaiy bastalǵan kezde ǵana baiqalady. Sondyqtan shart jasaspas buryn saqtandyrý sharttaryn, saqtandyrý somasyn, saqtandyrý jaǵdailarynan alyp tastaýdy jáne sharttyń ózge de mańyzdy tarmaqtaryn tekserý mańyzdy. Saqtandyrý shartynyń talaptaryn zerdeleýge birneshe minýt bóle otyryp, siz óz tańdaýyńyzǵa senimdi bola alasyz jáne úlken qarjylyq qaýipsizdikke qol jetkize alasyz.
Saqtandyrý erejelerin muqiiat oqyp shyǵyńyz. Eger siz senimdi jáne adal kompaniiany tańdasańyz da, árqashan jasyryn talaptardyń bar-joǵyn tekserińiz, saqtandyrý shartyn qandai táýekeldermen jabatynyn, saqtandyrý jaǵdaiy bastalǵan kezdegi áreket etý algoritmin jáne t.b. zertteńiz.
Saqtandyrý kompaniiasyn tańdaý kezinde sizdiń ózińizge laiyqty ómirdi saqtandyrý kompaniiasyn sanaly jáne uqypty tańdaýyńyz óte mańyzdy, óitkeni kóbinese siz belgili bir kúnge qarjy rezervin qurýǵa múmkindik beretin jáne ómirińizge, densaýlyǵyńyzǵa bailanysty kútpegen oqiǵalar oryn alǵan jaǵdaida, saqtandyrý qorǵanysymen qamtamasyz etetin uzaq merzimdi ónimdi satyp alasyz.
