ادەتتە ءبىز لاتتەنىڭ قانداي باعادا ساتىلاتىنىن جوبالاي الامىز، سونىمەن قاتار قانداي كروسسوۆكانىڭ بىزگە شاق كەلەتىنىن بىردەن انىقتايمىز. ال قارجى ۇيىمدارىنا قاتىستى ءبىز بۇلاي ايتا المايمىز.
ويتكەنى كۇندەلىكتى تۇتىنبايتىن تاۋارلاردىڭ ناقتى باعاسىن ايتىپ بەرۋ قيىنعا سوعادى. سوندىقتان دا تۇتىنۋشى رەتىندە قارجىلىق ءونىمنىڭ ساپاسى مەن ادىلەتتى باعاسىن بىلە بەرمەيمىز. بۇل ماسەلە ساقتاندىرۋ پوليستەرىنە دە قاتىستى.
بۇگىنگى كۇنى قازاقستاننىڭ ساقتاندىرۋ نارىعىندا ءومىردى ساقتاندىرۋ بويىنشا 9 كومپانيا جۇمىس ىستەيدى. ولاردىڭ بارلىعى ايتارلىقتاي ۇقساس قىزمەتتەردى كورسەتەدى جانە دە پوتەنسيالدى كليەنتتەر ءۇشىن قاي ساقتاندىرۋ ۇيىمىنا باسىمدىق تانىتۋ كەزىندە كۇردەلى تاڭداۋعا تاپ بولادى. تومەندە ءومىردى ساقتاندىرۋ كومپانياسىن تاڭداۋ بارىسىندا نازار اۋدارۋعا تۇراتىن نەگىزگى تەتىكتەر كورسەتىلگەن.
ليسەنزيانىڭ بولۋى
قازاقستان رەسپۋبليكاسىنىڭ زاڭناماسىنا سايكەس، ساقتاندىرۋ قىزمەتىن جۇزەگە اسىرۋ ءتيىستى ليسەنزيانىڭ بولعان جاعدايىندا عانا رۇقسات ەتىلەدى. قارجى نارىعىن جانە قارجى ۇيىمدارىن رەتتەۋ، باقىلاۋ مەن قاداعالاۋ جونىندەگى ۋاكىلەتتى ورگان بەرگەن ليسەنزياعا سايكەس، ساقتاندىرۋ ۇيىمى تۋرالى، ونىڭ ساقتاندىرۋ ساناتتارىمەن - ءسىز ساقتاندىرۋ ۇيىمىنىڭ رەسمي ينتەرنەت-رەسۋرسىندا تانىسا الاسىز.
سونىمەن قاتار، ءومىردى ساقتاندىرۋ كومپانياسىنىڭ ليسەنزياسى بار ما، جوق پا - رەتتەۋشى سايتىنداعى رۇقساتتار مەن حابارلامالار ءتىزىلىمى بولىمىنەن تەكسەرە الاسىز – gov.kz.
(https://www.gov.kz/memleket/entities/ardfm/documents/details/45288؟lang=ru).
تولەم قابىلەتى
ءومىردى ساقتاندىرۋدى ساتىپ الا وتىرىپ، ءسىز ۇزاق مەرزىمدى كەزەڭگە شارت (پوليس) جاسايسىز. ءسىزدىڭ ءپوليسىڭىز بويىنشا تولەمگە دەيىن ونداعان جىلدار قاجەت بولۋى مۇمكىن، اسىرەسە ءومىردى ءومىر بويى ساقتاندىرۋ كەزىندە، سىزگە ەكونوميكانىڭ، قارجى نارىعىنىڭ ورلەۋى مەن قۇلدىراۋىنا توتەپ بەرە الاتىن كومپانيا قاجەت. كوبىنەسە تولەم قابىلەتتىلىگى دەپ اتالاتىن بۇل ساپا كورسەتكىشى پرۋدەنسيالىق ستاندارتتارمەن، سونداي-اق Standard & Poor 's، A. M. Best جانە Moody' s سياقتى كومپانيالار تاعايىندايتىن قارجىلىق تۇراقتىلىق رەيتينگتەرىمەن ولشەنەدى.
ساقتاندىرۋ ۇيىمدارى بەرىلگەن رەيتينگتەرى تۋرالى اقپاراتتى وزدەرىنىڭ رەسمي ينتەرنەت-رەسۋرستارىندا جاريالايدى، ال ساقتاندىرۋ (قايتا ساقتاندىرۋ) ۇيىمدارىنىڭ پرۋدەنسيالدىق نورماتيۆتەردى ورىنداۋى تۋرالى مالىمەتتەر قازاقستان رەسپۋبليكاسى ۇلتتىق بانكىنىڭ سايتىندا ورنالاستىرىلعان. (https://www.nationalbank.kz/ru/news/svedeniya-o-vypolnenii-strahovymi-perestrahovochnymi/rubrics/1609).
قارجىلىق كورسەتكىشتەر
ساقتاندىرۋ كومپانياسىنىڭ سەنىمدىلىگىن انىقتاۋ ءۇشىن ونىڭ قارجىلىق كورسەتكىشتەرىن باعالاۋ ماڭىزدى. مىسالى، كومپانيانىڭ مەنشىكتى كاپيتالىنىڭ مولشەرى، ساقتاندىرۋ سىياقىلارى، ساقتاندىرۋ تولەمدەرىنىڭ كولەمى جانە ت. ب.
سونىمەن قاتار، ساقتاندىرۋ كومپانيالارىنىڭ قارجىلىق كورسەتكىشتەرىن زەرتتەۋ كەزىندە جوعارىدا ايتىلعان حالىقارالىق قارجى اگەنتتىكتەرىنىڭ رەيتينگتەرى كومەكتەسەدى، ويتكەنى ولار باعالاۋ ءۇشىن كومپانيالاردىڭ قارجىلىق ەسەپتىلىگىن پايدالانادى.
ساقتاندىرۋ شارتتارى
ساقتانۋشىلار ءۇشىن ءومىردى ساقتاندىرۋ بويىنشا بىرنەشە كومپانيا كۇرەسىپ جاتاتىندىقتان، ساقتانۋشىلاردا كومپانيانى تەك باعا ساياساتىنا قاراي تاڭداۋعا ىقىلاس تۋىنداۋى مۇمكىن. كوبىنەسە ساقتاندىرۋ ءونىمىن تاڭداۋ تەك قۇن نەگىزىندە جانە ساقتاندىرۋ شارتتارىن تەرەڭ سارالاۋسىز جۇزەگە اسىرىلادى.
شارتتارىن زاڭ ايقىندايتىن مىندەتتى ساقتاندىرۋدىڭ ساناتتارىنا قاراعاندا، ەرىكتى ساقتاندىرۋدىڭ شارتتارى ءار ءتۇرلى ساقتاندىرۋشىلاردا تيىسىنشە ءارقيلى بولادى. وسىعان بايلانىستى شارتتىڭ تالاپتارىندا «تۇزاق تاستارىنىڭ» جاسىرىنۋ ءقاۋپى بار، ولار، وكىنىشكە وراي، ساقتاندىرۋ جاعدايى باستالعان كەزدە عانا بايقالادى. سوندىقتان شارت جاساسپاس بۇرىن ساقتاندىرۋ شارتتارىن، ساقتاندىرۋ سوماسىن، ساقتاندىرۋ جاعدايلارىنان الىپ تاستاۋدى جانە شارتتىڭ وزگە دە ماڭىزدى تارماقتارىن تەكسەرۋ ماڭىزدى. ساقتاندىرۋ شارتىنىڭ تالاپتارىن زەردەلەۋگە بىرنەشە مينۋت بولە وتىرىپ، ءسىز ءوز تاڭداۋىڭىزعا سەنىمدى بولا الاسىز جانە ۇلكەن قارجىلىق قاۋىپسىزدىككە قول جەتكىزە الاسىز.
ساقتاندىرۋ ەرەجەلەرىن مۇقيات وقىپ شىعىڭىز. ەگەر ءسىز سەنىمدى جانە ادال كومپانيانى تاڭداساڭىز دا، ءارقاشان جاسىرىن تالاپتاردىڭ بار-جوعىن تەكسەرىڭىز، ساقتاندىرۋ شارتىن قانداي تاۋەكەلدەرمەن جاباتىنىن، ساقتاندىرۋ جاعدايى باستالعان كەزدەگى ارەكەت ەتۋ الگوريتمىن جانە ت.ب. زەرتتەڭىز.
ساقتاندىرۋ كومپانياسىن تاڭداۋ كەزىندە ءسىزدىڭ وزىڭىزگە لايىقتى ءومىردى ساقتاندىرۋ كومپانياسىن سانالى جانە ۇقىپتى تاڭداۋىڭىز وتە ماڭىزدى، ويتكەنى كوبىنەسە ءسىز بەلگىلى ءبىر كۇنگە قارجى رەزەرۆىن قۇرۋعا مۇمكىندىك بەرەتىن جانە ومىرىڭىزگە، دەنساۋلىعىڭىزعا بايلانىستى كۇتپەگەن وقيعالار ورىن العان جاعدايدا، ساقتاندىرۋ قورعانىسىمەن قامتاماسىز ەتەتىن ۇزاق مەرزىمدى ءونىمدى ساتىپ الاسىز.
