Keiingi kezde meditsina qyzmetkerlerine shabýyl jasaityndar kóbeidi. Depýtat Ashat Aimaǵambetov Májiliste jaǵaustatar jaittardy aitty, dep habarlaidy Dalanews.kz.
Densaýlyq saqtaý ministrliginiń resmi derekteri boiynsha keiingi bes jylda 280 shabýyl tirkelgen.
"Biraq ashyǵyn aitaiyq: bul aisbergtiń ushy ǵana. Shynaiy sandy keminde 10-ǵa kóbeitýge bolady. Meditsina qyzmetkerleri shabýyl týraly kóbine aryzdanbaidy, óitkeni olardyń qorǵaý tabatynyna senimi joq, buǵan qosa dárigerler jumystyń ornyna tergeýmen júrýge ýaqyt joǵaltqysy kelmeidi", - dedi depýtat.
Ashat Aimaǵambetov bul jaǵdai "ólim men ómir máselesi" ekenin de aitty.
"Jedel járdemge shabýyl jasaý degen jai ǵana tóbeles emes. Mas buzaqy júrgizýshini urǵan kezde ony ǵana uryp jatqan joq. Ol kórshi kóshede tynysy toqtap jatqan, dene qyzýy kóterilip, sol járdemdi kútip jatqan kishkentai balany urdy. Ol insýlt nemese infarkt alǵan, endi sol jedel járdem oǵan jete almaityn ájeni urdy. Iaǵni bir buzaqynyń kesirinen jedel járdemniń bir brigadasy, bir kóligi isten shyǵyp qaldy. Sondyqtan osy járdemniń naýqastarǵa jetý ýaqyty uzardy. Al infarkt pen insýlt kezinde esep saǵatpen emes, minýtpen ólshenetinin jaqsy bilemiz. Sondyqtan bul – ómir men ólim máselesi", - dedi ol.
Aita keteiik, Májiliste bul másele qarastyrylyp jatyr.
