كەيٸنگٸ كەزدە مەديتسينا قىزمەتكەرلەرٸنە شابۋىل جاسايتىندار كٶبەيدٸ. دەپۋتات اسحات ايماعامبەتوۆ مەجٸلٸستە جاعاۇستاتار جايتتاردى ايتتى, دەپ حابارلايدى Dalanews.kz.
دەنساۋلىق ساقتاۋ مينيسترلٸگٸنٸڭ رەسمي دەرەكتەرٸ بويىنشا كەيٸنگٸ بەس جىلدا 280 شابۋىل تٸركەلگەن.
"بٸراق اشىعىن ايتايىق: بۇل ايسبەرگتٸڭ ۇشى عانا. شىنايى ساندى كەمٸندە 10-عا كٶبەيتۋگە بولادى. مەديتسينا قىزمەتكەرلەرٸ شابۋىل تۋرالى كٶبٸنە ارىزدانبايدى, ٶيتكەنٸ ولاردىڭ قورعاۋ تاباتىنىنا سەنٸمٸ جوق, بۇعان قوسا دەرٸگەرلەر جۇمىستىڭ ورنىنا تەرگەۋمەن جٷرۋگە ۋاقىت جوعالتقىسى كەلمەيدٸ", - دەدٸ دەپۋتات.
اسحات ايماعامبەتوۆ بۇل جاعداي "ٶلٸم مەن ٶمٸر مەسەلەسٸ" ەكەنٸن دە ايتتى.
"جەدەل جەردەمگە شابۋىل جاساۋ دەگەن جاي عانا تٶبەلەس ەمەس. ماس بۇزاقى جٷرگٸزۋشٸنٸ ۇرعان كەزدە ونى عانا ۇرىپ جاتقان جوق. ول كٶرشٸ كٶشەدە تىنىسى توقتاپ جاتقان, دەنە قىزۋى كٶتەرٸلٸپ, سول جەردەمدٸ كٷتٸپ جاتقان كٸشكەنتاي بالانى ۇردى. ول ينسۋلت نەمەسە ينفاركت العان, ەندٸ سول جەدەل جەردەم وعان جەتە المايتىن ەجەنٸ ۇردى. ياعني بٸر بۇزاقىنىڭ كەسٸرٸنەن جەدەل جەردەمنٸڭ بٸر بريگاداسى, بٸر كٶلٸگٸ ٸستەن شىعىپ قالدى. سوندىقتان وسى جەردەمنٸڭ ناۋقاستارعا جەتۋ ۋاقىتى ۇزاردى. ال ينفاركت پەن ينسۋلت كەزٸندە ەسەپ ساعاتپەن ەمەس, مينۋتپەن ٶلشەنەتٸنٸن جاقسى بٸلەمٸز. سوندىقتان بۇل – ٶمٸر مەن ٶلٸم مەسەلەسٸ", - دەدٸ ول.
ايتا كەتەيٸك, مەجٸلٸستە بۇل مەسەلە قاراستىرىلىپ جاتىر.
