Ámirjan QOSANOV, saiasatker
Kezekten tys prezidenttik sailaý jariialanǵan soń maǵan «óz kandidatýrańyzdy usynyńyz!» degen birqatar usynys tústi. «Qajet bolsa, shtabyńyzǵa enip, shama-sharqymyzsha qol ushyn beremiz» deýshi janashyrlar da boldy.
Osy kúnderi men azamattyq qoǵamda belsendilik tanytyp júrgen kóptegen uiymdarmen, jeke tulǵalarmen pikir alystym, aqyldasyp, keńestim.
Sailaýǵa túsý ideiasyn qoldaýshylar da barshylyq boldy. Olardyń oiynsha, saýlaý naýqany múmkindikterin paidalanyp, el ishinde biraz jumys jasar edik. Jáne de, olar aitqandai, saiasatker retinde ózime de jaqsy jarnama bolar edi-mys.
Dodaǵa túsýime qarsylyq bildirgender de tabyldy. «Mynadai sailaý zańnamasy tusynda báribir Nazarbaev jeńedi, al Sizdiń qatysqanyńyz bul sailaýǵa saiasi legitimdik beredi» dep jatty olar.
Eki pikirdiń de óz orny, reti bar siiaqty.
Men de asyqpadym, joǵaryda aitqandai, aqyldastym. Óitkeni, mundai sailaýǵa qatysý degen úlken múmkindik qana emes, asa zor jaýapkershilik! Sol jaǵyn da oilastyrdym.
Sailaý – «Eń bastysy jeńis emes, qatysý» degen urandy basshylyqqa alǵan olimpiadalyq oiyndar emes qoi!
Qazirgi sailaýdyń saiqymazaqtyq sipaty kúnnen-kúnge bederlene túsýde. Jáne de osy saiasi tsirktiń rejisserleri qaida otyrǵany belgili: bári de solardyń jospary boiynsha júzege asýda! Men saiasi kloýn bolǵym kelmeidi!
Qazaqstan demokratiialyq kúshteriniń birligi týraly da oiladym. Sonyń ishinde birqatar azamattar usynǵan «oppozitsiiadan biregei kandidat usyný» týraly ideia tóńireginde de biraz adamdarmen sóilestim. Ol da bir durys qadam bolar edi. Kandidattyń múmkindigi arta túser edi. Biraq ol oi da siyrquimyshaqtanyp ketti. Ókinishke orai, osynaý mańyzdy naýqanda biz bir aýyzdylyq tanyta almadyq.
Sondyqtan da bolashaqta Qazaqstan demokratiialyq kúshteriniń birligin qaitadan qalpyna keltirý máselesi biz úshin eń basty sharýa bolýy qajet!
Árine, OSK hattamalaryna sai «utylatynymdy» bile tura, osy sailaýda kózge túsip, biraz saiasi upai jinap alýǵa bolatyn edi.
Biraq (jáne bul jait men úshin óte-móte mańyzdy ári printsipti!) sailaýǵa túsken kez kelgen úmitker "men mindetti túrde jeńemin!» degen oimen el aldyna shyǵýy qajet! Al barlyq deńgeidegi sailaý komissiialary túgel derlik «nurotandyqtardan» quralyp, Aqorda men ákimder tarapynan baqylanyp otyrǵan kezde, prezidentten basqa eshbir kandidat olai dep málimdei almaityny anyq. Men de eldi aldaǵym kelmeidi!
Sailaý – «Eń bastysy jeńis emes, qatysý» degen urandy basshylyqqa alǵan olimpiadalyq oiyndar emes qoi!
Qazirgi sailaýdyń saiqymazaqtyq sipaty kúnnen-kúnge bederlene túsýde. Jáne de osy saiasi tsirktiń rejisserleri qaida otyrǵany belgili: bári de solardyń jospary boiynsha júzege asýda! Men saiasi kloýn bolǵym kelmeidi!
Sondyqtan da men osy jolǵy, iaǵni 2015jyldyń 26 sáýirinde ótetin prezidenttik sailaýǵa qatyspaý týraly sheshim qabyldadym.
Meniń kandidatýramdy qoldaǵan barsha aǵaiyndy osy sheshimge túsinistikpen qaraýyn ótinemin.
Ómir kelesi aidyń 26 sáýirimen aiaqtalmaidy. Bizdiń kúres jalǵasa bermek!
Óitkeni, taiaý bolashaqta saiasi ómir qyza túsedi. Onyń ishinde ókimettiń áleýmettik-ekonomikalyq ómirdegi qatelikteri, sozylmaly sipatqa ie bolyp bara jatqan daǵdarys, postnazarbaevtyq kezeń qarsańyndaǵy toparalyq tartys bizdi, azamattyq qoǵam ókilderin, odan saiyn belsendi bolýǵa mindetteidi. Sol syni shaqta birlik tanyta bileiik!
