ءامىرجان قوسانوۆ، ساياساتكەر
كەزەكتەن تىس پرەزيدەنتتىك سايلاۋ جاريالانعان سوڭ ماعان «ءوز كانديداتۋراڭىزدى ۇسىنىڭىز!» دەگەن ءبىرقاتار ۇسىنىس ءتۇستى. «قاجەت بولسا، شتابىڭىزعا ەنىپ، شاما-شارقىمىزشا قول ۇشىن بەرەمىز» دەۋشى جاناشىرلار دا بولدى.
وسى كۇندەرى مەن ازاماتتىق قوعامدا بەلسەندىلىك تانىتىپ جۇرگەن كوپتەگەن ۇيىمدارمەن، جەكە تۇلعالارمەن پىكىر الىستىم، اقىلداسىپ، كەڭەستىم.
سايلاۋعا ءتۇسۋ يدەياسىن قولداۋشىلار دا بارشىلىق بولدى. ولاردىڭ ويىنشا، ساۋلاۋ ناۋقانى مۇمكىندىكتەرىن پايدالانىپ، ەل ىشىندە ءبىراز جۇمىس جاسار ەدىك. جانە دە، ولار ايتقانداي، ساياساتكەر رەتىندە وزىمە دە جاقسى جارناما بولار ەدى-مىس.
دوداعا تۇسۋىمە قارسىلىق بىلدىرگەندەر دە تابىلدى. «مىناداي سايلاۋ زاڭناماسى تۇسىندا ءبارىبىر نازاربايەۆ جەڭەدى، ال ءسىزدىڭ قاتىسقانىڭىز بۇل سايلاۋعا ساياسي لەگيتيمدىك بەرەدى» دەپ جاتتى ولار.
ەكى پىكىردىڭ دە ءوز ورنى، رەتى بار سياقتى.
مەن دە اسىقپادىم، جوعارىدا ايتقانداي، اقىلداستىم. ويتكەنى، مۇنداي سايلاۋعا قاتىسۋ دەگەن ۇلكەن مۇمكىندىك قانا ەمەس، اسا زور جاۋاپكەرشىلىك! سول جاعىن دا ويلاستىردىم.
سايلاۋ – «ەڭ باستىسى جەڭىس ەمەس، قاتىسۋ» دەگەن ۇراندى باسشىلىققا العان وليمپيادالىق ويىندار ەمەس قوي!
قازىرگى سايلاۋدىڭ سايقىمازاقتىق سيپاتى كۇننەن-كۇنگە بەدەرلەنە تۇسۋدە. جانە دە وسى ساياسي سيركتىڭ رەجيسسەرلەرى قايدا وتىرعانى بەلگىلى: ءبارى دە سولاردىڭ جوسپارى بويىنشا جۇزەگە اسۋدا! مەن ساياسي كلوۋن بولعىم كەلمەيدى!
قازاقستان دەموكراتيالىق كۇشتەرىنىڭ بىرلىگى تۋرالى دا ويلادىم. سونىڭ ىشىندە ءبىرقاتار ازاماتتار ۇسىنعان «وپپوزيسيادان بىرەگەي كانديدات ۇسىنۋ» تۋرالى يدەيا توڭىرەگىندە دە ءبىراز ادامدارمەن سويلەستىم. ول دا ءبىر دۇرىس قادام بولار ەدى. كانديداتتىڭ مۇمكىندىگى ارتا تۇسەر ەدى. ءبىراق ول وي دا سيىرقۇيمىشاقتانىپ كەتتى. وكىنىشكە وراي، وسىناۋ ماڭىزدى ناۋقاندا ءبىز ءبىر اۋىزدىلىق تانىتا المادىق.
سوندىقتان دا بولاشاقتا قازاقستان دەموكراتيالىق كۇشتەرىنىڭ بىرلىگىن قايتادان قالپىنا كەلتىرۋ ماسەلەسى ءبىز ءۇشىن ەڭ باستى شارۋا بولۋى قاجەت!
ارينە، وسك حاتتامالارىنا ساي «ۇتىلاتىنىمدى» بىلە تۇرا، وسى سايلاۋدا كوزگە ءتۇسىپ، ءبىراز ساياسي ۇپاي جيناپ الۋعا بولاتىن ەدى.
ءبىراق (جانە بۇل جايت مەن ءۇشىن وتە-موتە ماڭىزدى ءارى ءپرينسيپتى!) سايلاۋعا تۇسكەن كەز كەلگەن ۇمىتكەر "مەن مىندەتتى تۇردە جەڭەمىن!» دەگەن ويمەن ەل الدىنا شىعۋى قاجەت! ال بارلىق دەڭگەيدەگى سايلاۋ كوميسسيالارى تۇگەل دەرلىك «نۇروتاندىقتاردان» قۇرالىپ، اقوردا مەن اكىمدەر تاراپىنان باقىلانىپ وتىرعان كەزدە، پرەزيدەنتتەن باسقا ەشبىر كانديدات ولاي دەپ مالىمدەي المايتىنى انىق. مەن دە ەلدى الداعىم كەلمەيدى!
سايلاۋ – «ەڭ باستىسى جەڭىس ەمەس، قاتىسۋ» دەگەن ۇراندى باسشىلىققا العان وليمپيادالىق ويىندار ەمەس قوي!
قازىرگى سايلاۋدىڭ سايقىمازاقتىق سيپاتى كۇننەن-كۇنگە بەدەرلەنە تۇسۋدە. جانە دە وسى ساياسي سيركتىڭ رەجيسسەرلەرى قايدا وتىرعانى بەلگىلى: ءبارى دە سولاردىڭ جوسپارى بويىنشا جۇزەگە اسۋدا! مەن ساياسي كلوۋن بولعىم كەلمەيدى!
سوندىقتان دا مەن وسى جولعى، ياعني 2015جىلدىڭ 26 ساۋىرىندە وتەتىن پرەزيدەنتتىك سايلاۋعا قاتىسپاۋ تۋرالى شەشىم قابىلدادىم.
مەنىڭ كانديداتۋرامدى قولداعان بارشا اعايىندى وسى شەشىمگە تۇسىنىستىكپەن قاراۋىن وتىنەمىن.
ءومىر كەلەسى ايدىڭ 26 ساۋىرىمەن اياقتالمايدى. ءبىزدىڭ كۇرەس جالعاسا بەرمەك!
ويتكەنى، تاياۋ بولاشاقتا ساياسي ءومىر قىزا تۇسەدى. ونىڭ ىشىندە وكىمەتتىڭ الەۋمەتتىك-ەكونوميكالىق ومىردەگى قاتەلىكتەرى، سوزىلمالى سيپاتقا يە بولىپ بارا جاتقان داعدارىس، پوستنازاربايەۆتىق كەزەڭ قارساڭىنداعى توپارالىق تارتىس ءبىزدى، ازاماتتىق قوعام وكىلدەرىن، ودان سايىن بەلسەندى بولۋعا مىندەتتەيدى. سول سىني شاقتا بىرلىك تانىتا بىلەيىك!
