Premer-ministr Astana qalasyna jumys sapary aiasynda Prezidenttiń ónerkásipti damytý, infraqurylymdy nyǵaitý jáne AÓK-tegi qaita óńdeýdi tereńdetý jónindegi tapsyrmalarynyń oryndalý barysyn tekserdi. Oljas Bektenov logistikalyq ortalyq, meditsinalyq buiymdar óndiretin zaýyt, nan-toqash, sút jáne et ónimderin shyǵaratyn kásiporyndarǵa bardy, dep habarlaidy dalanews.kz.
Astana qalasynyń ákimi Jeńis Qasymbek qala ekonomikalyq damýdyń joǵary qarqynyn saqtap, elimizdiń jetekshi iskerlik ortalyqtarynyń biri retindegi rólin nyǵaityp otyrǵanyn baiandady. Ótken jyldyń qorytyndysy boiynsha jalpy óńirlik ónim kólemi 18,9 trln teńgege jetti. Elorda negizgi kapitalǵa tartylǵan investitsiia kólemi boiynsha respýblikada birinshi orynda tur. Biylǵy tórt aida 587 mlrd teńge investitsiia tartyldy, onyń shamamen 80%-yn jeke investitsiialar qurady. Qazirgi tańda Astanada 246 myń shaǵyn jáne orta biznes sýbektisi jumys isteidi. Bul sektorda shamamen 560 myń adam jumyspen qamtylǵan. ShOB-tyń qala ekonomikasyna qosqan úlesi rekordtyq deńgeige – 66%-ǵa jetti. 2026 jyly 26 ónerkásiptik jobany iske qosý josparlanǵan. Qazirdiń ózinde quny 32 mlrd teńge bolatyn 8 joba paidalanýǵa berilip, 500-ge jýyq jumys orny ashyldy. Sondai-aq jyl sońyna deiin quny 36 mlrd teńge bolatyn 18 jobany iske qosyp, myńǵa jýyq jumys ornyn ashý kózdelip otyr.
Premer-ministrge «Technodom» kóterme-bólshek saýda kásiporny» AQ zamanaýi logistikalyq ortalyǵynda keshenniń jumysy men elordanyń kólik jáne qoima infraqurylymyn odan ári damytý jobasy tanystyryldy.
Aýdany 22 myń sharshy metrden asatyn logistikalyq ortalyq 11 myń pallettik orynǵa eseptelgen. Munda jalpy aýmaǵy 3,5 myń sharshy metrdi quraityn temperatýralyq rejimi bar úi-jailar qarastyrylǵan. Kásiporyn táýlik boiy jumys isteidi jáne taýarlardy qabyldaý men saqtaýdan bastap, olardy jinaqtaý jáne jóneltýge deiingi qyzmetterdiń tolyq tsiklin qamtamasyz etedi. Ortalyq qoimany basqarýdyń avtomattandyrylǵan júielerimen jáne tiimdilikti baqylaý quraldarymen jabdyqtalǵan. Búginde logistikalyq keshen jumys aýqymymen 100% qamtylǵan. Ortalyqtyń qyzmetin Wildberries, Ascona, Gold Service Logistic jáne basqa da kompaniialar paidalanady. Nysanda 200-den astam jumys orny ashylǵan.
Sonymen qatar Premer-ministrge jeke investitsiia kólemi 300 mln asatyn 223,1 gektar logistikalyq park jobasy tanystyryldy. Áleýetti qatysýshylar arasynda YXE Trading Service Group, S Sistem Lojistik Hizmetler, «Qazposhta» jáne Rhino Logistic kompaniialary bar.
Sondai-aq Astana qalasynda Wildberries Kazakhstan kompaniiasynyń iri logistikalyq hab qurylysynyń barysy tanystyryldy. Jalpy aýmaǵy 160 myń sharshy metrdi quraityn joba aiasynda 6 myń jumys ornyn ashý kózdelgen. Nysandy paidalanýǵa berý 2027 jyldyń I toqsanyna josparlanǵan. Jobanyń investitsiia kólemi – 47,7 mlrd teńge.
Oljas Bektenov logistikalyq infraqurylymdy damytý ekonomikanyń básekege qabilettiligin arttyrýdyń jáne Qazaqstannyń tranzittik áleýetin odan ári nyǵaitýdyń mańyzdy sharty ekenin atap ótti. Prezident jariialaǵan Tsifrlandyrý jáne jasandy intellekt jylyn eskere otyryp, tsifrlyq sheshimderdi engizýge jáne protsesterdi avtomattandyrýǵa erekshe nazar aýdarý kerek.
«Heart Center Foundation» QQ zaýytynda Oljas Bektenov meditsinalyq maqsattaǵy plastikalyq buiymdar óndirisiniń iske qosylýymen jáne kásiporynnyń tehnologiialyq jabdyqtalýymen tanysty. Jobanyń sońǵy kezeńi júzege asyrylýda. Zaýyt 2026 jyldyń mamyr aiynda paidalanýǵa berilgen, tamyzda barlyq jeli boiynsha ónim shyǵarý bastalady, al biylǵy qyrkúiek aiynda tolyq qýatyna shyqpaq.
Joba «Qazaqmys korporatsiiasy» JShS-niń qoldaýymen №1 Indýstriialyq park aýmaǵynda júzege asyrylyp jatyr. Investitsiialardyń jalpy kólemi – shamamen 5,1 mlrd teńge. Kásiporynnyń negizgi ónimi – ALEM ataýymen qysqartylǵan Astana life Ex-situ Machine jobasy. Bul qazaqstandyq injenerler men dárigerlerdiń donorlyq aǵzalardy saqtaý, qalpyna keltirý jáne tasymaldaý úshin jasap shyǵarǵan biregei ázirlemesi. Tehnologiia donorlyq aǵzanyń saqtalý merzimin birneshe saǵattan bir táýlikke deiin jáne odan da kóp uzartýǵa múmkindik beredi, bul otandyq transplantologiia úshin jańa múmkindikter ashady. Óndiriste otandyq shikizatty – Atyraý qalasyndaǵy KPI zaýytynyń plastikalyq túiirshikterin paidalaný josparlanýda, bul meditsinalyq buiymdar óndirisin lokalizatsiialaý deńgeiin arttyrýǵa múmkindik beredi. Zaýyttyń jobalyq qýaty 15-20 birlik ALEM jabdyǵyn shyǵarýǵa jetedi, ol degenimiz, jylyna biomaterialdy irikteýge arnalǵan shamamen 6 mln konteiner jáne 45 myń drenajdyq qurylǵy.
UMC qorynyń basqarma tóraǵasy Iýrii Pia mundai óndiristi iske qosý importtyq meditsinalyq shyǵyndaýǵa arnalǵan materialdarǵa táýeldilikti azaitýǵa múmkindik beretinin atap ótti.
«Meditsinaǵa arnalǵan kóptegen kerek-jaraqtardy, ásirese kardiologiia men kardiohirýrgiiaǵa qatysty zattardy, biz shetelden satyp alamyz. COVID-ten keiin biz kóptegen quraldarǵa táýeldi bolyp qaldyq, sondyqtan óndiristi ózimizde bastaýǵa, áýeli kardiologiia men kardiohirýrgiiadan bastaýǵa, sonyń ishinde, donorlyq organdardy saqtaýǵa arnalǵan apparat jasaý týraly ózimizdiń ideiamyzdy engizýge sheshim qabyldadyq. Búgingi tańda biz osyndai apparattyń prototipin ázirlep qoidyq, endi elimizde onyń óndirisin bastaýǵa sheshim qabyldadyq. Osy jyldyń sońyna qarai zaýytta alǵashqy úlgini shyǵarýdy josparlap otyrmyz»,— dedi Iýrii Pia.
Oljas Bektenov ǵylymi ázirlemeler negizinde otandyq meditsina ónerkásibin damytýdyń jáne olardy densaýlyq saqtaý salasyna is júzinde engizýdiń mańyzdylyǵyn atap ótti. Qazirgi ýaqytta Qazaqstan ómir súrý uzaqtyǵy boiynsha 76 jyldyq kórsetkishke jaqyndady. Zamanaýi meditsinalyq kómekke qol jetimdilikti keńeite otyryp, osy dinamikany jalǵastyrý qajet.
«RnR Group» JShS-niń nan-toqash jáne sút ónimderin shyǵarý zaýyttarynda Oljas Bektenov kásiporyndardyń óndiristik qýattaryn jáne jumysty uiymdastyrý jaǵdailaryn qarap shyqty.
Premer-ministrge qaita óńdeýdi damytýǵa, otandyq azyq-túlik ónimderin shyǵarýdy keńeitýge jáne elordanyń azyq-túlik qaýipsizdigin nyǵaitýǵa jalpy quny 8,8 mlrd teńge bolatyn jobalar baǵyttalǵany baiandaldy. Óndiristerdiń qýattylyǵy – táýligine 25 tonnaǵa deiin un ónimderi jáne 100 tonnaǵa deiin sút ónimderi. Kásiporyndar jergilikti shikizat bazasyn paidalanady. Ónimder elordanyń saýda núktelerine, áleýmettik nysandary men jelilerine jetkiziledi.
Astana qalasynyń Investitsiialar jáne kásipkerlikti damytý basqarmasynyń basshysy Halel Ákimjanov elordanyń azyq-túlik qaýipsizdigin nyǵaitý baǵytynda atqarylyp jatqan jumystar týraly baiandady. 2025–2026 jyldary Astanada syiymdylyǵy 12 myń tonna bolatyn 2 kókónis qoimasy jáne jylyna 53 myń tonna ónim óńdeýge qaýqarly 3 qaita óńdeý zaýyty iske qosyldy. 18 myń tonna kókónis jetkizý boiynsha kelisimsharttar jasaldy. Aldaǵy eki jylda agroónerkásiptik keshen salasynda jalpy quny 180 mlrd teńgeni quraityn 7 investitsiialyq jobany iske qosý josparlanyp otyr. Nátijesinde 1,6 myń jańa jumys orny ashylady.
Premer-ministr «Astana ETKOM» JShS et óńdeý zaýytynyń alańynda bolyp, óndiristiń tehnologiialyq úderisimen jáne shyǵarylatyn ónim túrlerimen tanysty.
Kásiporyn quryltaishysy Farhad Madaliev jobalyq qýattylyq táýligine 50 tonnaǵa deiin daiyn ónim shyǵarýǵa nemese jylyna 18 myń tonnadan astam ónim óndirýge múmkindik beretinin habarlady. Shikizatty otandyq óndirýshilerden, sonyń ishinde «Aitas» AQ, «KazBeef» JShS jáne óńirlerdegi sharýa qojalyqtarynan satyp alý josparlanýda. Alǵashqy kezeńde kásiporynda 100-ge deiin jumys orny ashylsa, tolyq qýatqa shyqqannan keiin bul kórsetkish 300-ge deiin jetedi. Kadr daiarlaý maqsatynda kásiporyn kolledjder men basqa da oqý oryndarynyń stýdentterin oqytýdy uiymdastyrdy, olarǵa keiinnen jumysqa ornalasý múmkindigi qarastyrylǵan.
Oljas Bektenov tereń óńdeý agroónerkásiptik keshendi damytýdyń negizgi baǵyttarynyń biri bolyp qala beretinin atap ótti. Prezidenttiń tapsyrmasyna sáikes Úkimet agrarlyq sektordy qoldaýdy kúsheitip, onyń ishinde biologiialyq qaýipsizdiktiń negizi bolyp sanalatyn veterinariia salasyn damytýǵa, infraqurylymdy jetildirýge jáne baqylaý júiesin jańǵyrtýǵa basymdyq berip otyr. Qazaqstannyń aýsyldan taza el mártebesin alýy mal sharýashylyǵyn damytýǵa jáne eksporttyq múmkindikterdi keńeitýge qosymsha jol ashady. Turaqty shikizat bazasy men sońǵy jyldardaǵy joǵary ónimdilik bul qaita óńdeý kólemin arttyrýǵa, daiyn ónim shyǵarýdy kóbeitýge jáne otandyq taýarlardy ishki ári syrtqy naryqtarǵa ilgeriletýge qolaily jaǵdai qalyptastyrady.
«Prezident elordaǵa erekshe mindetter júktep otyr: Astana árdaiym aýqymdy bastamalardyń aldyńǵy shebinde bolyp, barlyq óńirlerge úlgi bolýy tiis. Elorda infraqurylym, ónerkásip, logistika, tsifrlyq sheshimder jáne áleýmettik sala baǵyttarynda damýdyń joǵary qarqynyn qalyptastyrýy qajet. Árbir joba qalanyń ekonomikasyn nyǵaityp, jumys oryndaryn ashyp, azamattardyń ómir súrý sapasyn arttyryp, biznes úshin jańa múmkindikterge jol ashýy mańyzdy. Sondyqtan ákimdik pen salalyq ministrlikterdiń mindeti – jobalardy súiemeldeýdi qamtamasyz etý, kásiporyndardy ýaqtyly iske qosý jáne óndiristerdiń turaqty júktelýine jaǵdai jasaý», — dep atap ótti Oljas Bektenov.
