Qyrǵyzstanda birneshe kún buryn iz-túzsiz joǵalǵan 16 jastaǵy Aibiike Abdyramanovanyń qaza tapqany týraly aqparat áleýmettik jelilerde tarady. Alaida ázirge bul málimetke qatysty resmi organdardyń rastalǵan aqparaty jariialanǵan joq, dep habarlaidy dalanews.kz.
Aibiike Abdyramanova 10 qyrkúiek kúni shamamen saǵat 16:00-de Shúi oblysynyń Sokýlýk aýdanyna qarasty Kún-Týý aýylyndaǵy úiinen shyǵyp ketken.
Osydan keiin jasóspirim úiine oralmaǵan. Qyzdyń týystary men quqyq qorǵaý organdary ony izdestire bastaǵan.
Shúi oblystyq ishki ister basqarmasynyń málimetinshe, joǵalǵan qyz 2010 jyly týǵan. Onyń boiy shamamen 160-165 santimetr, dene bitimi aryq, shashy uzyn ári ashyq qońyr tústi bolǵan.
Úiinen shyqqan sátte ol qara tústi fýtbolka, jasyl sholaq shalbar jáne qyzyl aiaq kiim kigen.
19 qyrkúiekte, iaǵni joǵalǵanyna toǵyz kún ótken soń, áleýmettik jelilerde Aibiikeniń óli tabylǵany týraly habar tarady.
Degenmen qazirgi ýaqytta jasóspirimniń qaza tapqany, onyń denesi qai jerden tabylǵany jáne óliminiń sebebi jóninde resmi aqparat jariialanǵan joq.
