Ál-Farabi atyndaǵy Qazaq ulttyq ýniversitetinde «Taza Qazaqstan» ekologiialyq aktsiiasy aiasynda senbilik uiymdastyryldy, dep habarlaidy dalanews.kz.
Tazalyq sharasyna ýniversitet stýdentteri men oqytýshy-qyzmetkerleri belsendi atsalysyp, oqý ornynyń aýmaǵyn abattandyrýǵa óz úlesterin qosty.
Qatysýshylar belgilengen aýmaqtarda tazalyq jumystaryn júrgizip, oqý ǵimarattary men jataqhanalardyń mańyn retke keltirdi. Jerge túsken japyraqtar men qoqystardy jinap, aǵashtardyń túpterin qopsytty.
Senbilik barysynda qatysýshylar qorshaǵan ortany taza ustaýdyń mańyzdylyǵyn atap ótip, ekologiialyq mádenietti qalyptastyrýǵa baǵyttalǵan bastamalardy qoldady. Mundai sharalar bilim alýshylardyń tabiǵatqa janashyrlyqpen qaraýyna, qoǵamdyq orta tazalyǵyn saqtaýǵa jáne týǵan jerge degen jaýapkershiligin arttyrýǵa yqpal etedi.
