Kezdesý barysynda aýyl turǵyndary men sharýa qojalyqtarynyń basshylary jerdiń qunarsyzdanýy, qudyq tapshylyǵy, sýbsıdıanyń tómen deńgeıi, dızel otynynyń baǵasy jáne taǵy basqa máselelerdi kóterdi.
«AMANAT»-tyń Atqarýshy hatshysy quramyna partıanyń depýtattary, Bas prokýratýranyń, Aýyl sharýashylyǵy mınıstrliginiń ókilderi, zańgerler, qoǵam qaıratkerleri kiretin komısıa músheleri aýyl turǵyndarynyń máselelerin bilý úshin elimizdiń barlyq óńirinde kezdesýler ótkizip jatqanyn atap ótti.
– Memleket basshysy Qasym-Jomart Toqaevtyń tapsyrmasy boıynsha, paıdalanylmaı jatqan jáne jeke menshikke zańsyz berilgen aýyl sharýashylyǵy jerlerin memleket menshigine qaıtarý jóninde jumys júrgizilýde. «Jer amanaty» komısıasynyń mindeti – aýyl turǵyndary úshin jaıylymǵa teń qoljetimdilikti qamtamasyz etý. Úsh aıdyń ishinde «AMANAT» partıasynyń aralasýymen 10 óńirde 1,6 mln gektardan astam jer qaıtaryldy. Onyń ishinde Qaraǵandy oblysynda 1 mln gektar jaıylym memleket menshigine ótti. Biz bul isti toqtatpaımyz. Osy baǵyttaǵy turaqty jumysty jalǵastyramyz, – dedi Ashat Oralov.
Májilistegi «AMANAT» partıasynyń depýtaty Erlan Saırov jaıylym tapshylyǵy jer salasyndaǵy jalǵyz másele emes ekenin atap ótti.
– Aýyl turǵyndary men sharýalar jer paıdalaný quqyǵyna, jer paılaryn bólýge qatysty birqatar másele kóterýde. Kezdesýler qorytyndysy boıynsha zańnamaǵa tıisti ózgerister engiziledi, – dedi ol.
Jergilikti turǵyn Nurbol Arynbaevtyń aıtýynsha, aýyl turǵyndary «Jer amanaty» komısıasyna úlken úmit artady. «Mal sany ósip jatyr. Al jem-shóp bazasy jetispeıdi. Ásirese shaǵyn sharýashylyqtarǵa qıyn. Jańa jaıylymdar, memleket tarapynan qoljetimdi sýbsıdıalar qajet», – dep atap ótti ol.
Sharýa Eldos Maılybaev aýdan turǵyndarynyń basym bóligi et jáne sút sharýashylyǵymen aınalysatynyn atap ótti.
– Jaıylym tapshylyǵy ár aýylda seziledi. Komısıa jumysynyń osy oblystaǵy naqty nátıjesin kórip otyrmyz. Bul – qýanarlyq jaǵdaı. Partıalyqtarmen kezdesýde ózge de túıtkildi máselelerdi atap óttik. Ol máseleler de óz sheshimin tabýy tıis, – dedi ol.
Belgili zańger Baqytjan Bazarbek komısıa músheleri jaıylymdardyń ádil bólinýine qol jetkizýdi jalǵastyratynyn atap ótti.
– Ókinishke qaraı, jergilikti turǵyndar barlyq jaıylymnan shettetildi. Aýyl turǵyndary mundaı komısıany kútip otyrǵanyn kórip otyrmyz. Bárin tekserip, qazirde keıbir olıgarhtardyń jerin memleketke qaıtaryp jatyrmyz. Taǵy da qaıtalap aıtamyn: zań aldynda bári teń, – dedi ol.
Sol kúni partıanyń Qaraǵandy oblystyq fılıalynda «Jer amanaty» komısıasynyń músheleri azamattardy qabyldady.
Aıta ketý kerek, jer máselelerin neǵurlym jedel sheshý úshin qazaqstandyqtar barlyq zań buzý faktileri týraly «AMANAT» partıasynyń «Jedel jeli» 8 800 080 44 41 telefonyna habarlaı alady. Ótinimder WhatsApp arqyly da +7 700 800 44 41 nómir boıynsha qabyldanady. «Jedel jelige» 1,5 myńnan astam ótinish kelip tústi. Onyń barlyǵy óńirlik komısıalardyń qaraýyna berildi.
