Otandyq serialdar arqyly tanylǵan akter Asqar Jumabekov oqyrmandaryna túrmeden hat joldady. Akterdiń jazǵan haty áleýmettik jelidegi paraqshasynda jariialandy, - dep habarlaidy Dalanews.kz.
"Tún. Tym-tyrys. Túrli oilar. Anamdy, ákemdi, baýyrlarymdy, jaqyndarymdy, sizderdi saǵyndym. Kúibeń tirlik dep júgirip júrsińder me? Iá, bir jaǵynan tiri adam tirshiligin jasaidy. Bul zańdylyq. Bizde de munda solai. Bári rejimmen. Tańnyń atysy, kúnniń batysy, qaitalanbaly dúnie. Bostandyqta júrgen kezimdi saǵyndym. Áli kúnge deiin munda qalai tap bolǵanymdy uǵa alar emespin. Keshe bir jańalyq estidim. Álgi, Túrkistandaǵy 5 jasar qyzdy zorlaǵan ezge 2 jyl ýslovnyi berdi dei me? Álde shalys estidim be? Qyzyq, á?! Meniń jaǵdaiyma osynsha ýaqyt. Osynyń bárin juta beremiz be? Jalpy, meni qoldap jatqan adamdardyń 80 paiyz áielder qaýymy. Sizderge Alla razy bolsyn! Baýyrlar, sizder she? Ústemdikteriń qaida? El aǵalary, sizder she? Bir baýyrlaryńa, qol ushyn sozýǵa jaramai qaldyńyzdar ma?", - deidi akter.
Eske salaiyq, 2022 jyly 28 jeltoqsanda Almatydaǵy meiramhanalardyń birinde tóbeles boldy. Tóbelestiń arasynda millioner Ablazimov pen Idrisovtyń uldary – Nurmuhamet Nuǵman men Jarmuhamed Appaz da bar edi. Bul is boiynsha bes kúzetshi, didjei jáne meiramhanaǵa kelgen adam kúdikke ilindi. Olardyń bári 6 jylǵa bas bostandyǵynan aiyryldy. Onyń ishinde, akter Asqar Jumebekov te bar.
