وتاندىق سەريالدار ارقىلى تانىلعان اكتەر اسقار جۇمابەكوۆ وقىرماندارىنا تۇرمەدەن حات جولدادى. اكتەردىڭ جازعان حاتى الەۋمەتتىك جەلىدەگى پاراقشاسىندا جاريالاندى، - دەپ حابارلايدى Dalanews.kz.

"ءتۇن. تىم-تىرىس. ءتۇرلى ويلار. انامدى، اكەمدى، باۋىرلارىمدى، جاقىندارىمدى، سىزدەردى ساعىندىم. كۇيبەڭ تىرلىك دەپ جۇگىرىپ جۇرسىڭدەر مە؟ ءيا، ءبىر جاعىنان ءتىرى ادام تىرشىلىگىن جاسايدى. بۇل زاڭدىلىق. بىزدە دە مۇندا سولاي. ءبارى رەجيممەن. تاڭنىڭ اتىسى، كۇننىڭ باتىسى، قايتالانبالى دۇنيە. بوستاندىقتا جۇرگەن كەزىمدى ساعىندىم. ءالى كۇنگە دەيىن مۇندا قالاي تاپ بولعانىمدى ۇعا الار ەمەسپىن. كەشە ءبىر جاڭالىق ەستىدىم. الگى، تۇركىستانداعى 5 جاسار قىزدى زورلاعان ەزگە 2 جىل ۋسلوۆنىي بەردى دەي مە؟ الدە شالىس ەستىدىم بە؟ قىزىق، ءا؟! مەنىڭ جاعدايىما وسىنشا ۋاقىت. وسىنىڭ ءبارىن جۇتا بەرەمىز بە؟ جالپى، مەنى قولداپ جاتقان ادامداردىڭ 80 پايىز ايەلدەر قاۋىمى. سىزدەرگە اللا رازى بولسىن! باۋىرلار، سىزدەر شە؟ ۇستەمدىكتەرىڭ قايدا؟ ەل اعالارى، سىزدەر شە؟ ءبىر باۋىرلارىڭا، قول ۇشىن سوزۋعا جاراماي قالدىڭىزدار ما؟"، - دەيدى اكتەر.

ەسكە سالايىق، 2022 جىلى 28 جەلتوقساندا الماتىداعى مەيرامحانالاردىڭ بىرىندە توبەلەس بولدى. توبەلەستىڭ اراسىندا ميلليونەر ابلازيموۆ پەن يدريسوۆتىڭ ۇلدارى – نۇرمۇحامەت نۇعمان مەن جارمۇحامەد اپپاز دا بار ەدى. بۇل ءىس بويىنشا بەس كۇزەتشى، ديدجەي جانە مەيرامحاناعا كەلگەن ادام كۇدىككە ءىلىندى. ولاردىڭ ءبارى 6 جىلعا باس بوستاندىعىنان ايىرىلدى. ونىڭ ىشىندە، اكتەر اسقار جۇمەبەكوۆ تە بار.