Oljas Súleimenov UBT-nyń soraqy tustaryn ashyp aitty
Qazaqtildi segment óz kezeginde: «Oljekeń, kóp jaǵdaida da orystildilerdiń sózin sóileidi. Sonysy durys pa? Orys tiliniń soiylyn soǵyp júrgeni óz aldyna, kelmeske ketken KSRO-ny saǵynyp júrgenin de san ret ańǵartqan», – deidi.
Ras, baiqaǵanbyz. Biraq, Súleimenovtiń jasyna kelgende adamdy ózgertý qiyn ǵoi. Ol ózgermeidi. Onyń ólshemindegi Qazaqstan Reseimen birge bolýy tiis. Al orys tili Qazaqstandy mádeniet kóshinen qaldyrmai júrgen jalǵyz kúsh. Solai.
Solaiy solai ǵoi. Biraq, bul Súleimenovtyń ylǵi da qazaqtyń ustanymyna jat, túsinigine kereǵar pikir aitady degen sóz emes. Sońǵy kezderi Oljekeńniń sózi túzelgen syńaily. Sóz túzelse, laiym is te túzelýi tiis qoi.
Aitalyq, Sputnik Kazahstan saityna bergen suhbatynda Súleimenov Birińǵai ulttyq testileý júiesin syn tezine alypty. Aqynnyń aitýynsha, mundai testileýdiń astarynda mekteptegi sapasyz bilimdi búrkemeleý amaly jatyr.
– Balanyń oiyn kitap qana ósiredi. Ony da adamǵa ainaldyratyn da kitap. Jumbaq sheship, «sms» jazyp, jaýap izdep otyrǵannan óspeidi ol. Bilmeseńiz, mynany aitaiyn. Bul ádis alǵash Garlemda (Niý-Iorktiń aýdany) paidalanyldy. Nátijesi ne boldy? On jyl partada otyrǵan oqýshylar miynda túk joq, shalasaýatty bolyp shyǵatyn. Sonda da toqtatqan joq. Túlekter túk bilmes bolyp shyqty, – deidi Súleimenov.
Bul oraida Oljekeń taǵy da ótkenge ainalyp soǵypty. Onyń aitýynsha, Keńes kezindegi bilim júiesi myqty asqany joq. Al qazir qalai?
– Suraq-jaýappen ǵana shekteletin qazirgi urpaqtyń bilim sapasy kór de turyńdar erteń Qazaqstannyń bolashaǵyna keri áser tigizetin bolady. Sábet odaǵynyń bilim júiesi ózdiginen oilai alatyn, ózindik pikiri bar býyndy tárbieledi. Qazirgi urpaq kerisinshe. Kitaptyń ne ekenin umytqan. Bul kezeńnen ótemiz be, joq pa?.. – dep oi túiedi Oljekeń.
Onyń pikirinshe búgingi býyndy barlyq jaǵynan damyǵan býynǵa jatqyzýǵa bolmaidy. Bul óz kezeginde mádenietten bastap, ekonomikaǵa deiingi salalarǵa tutas áser etýi múmkin.
Qalai oilaisyzdar, Oljas Omaruly durys aita ma?
Derekkózi: kaz.365info.kz
https://dalanews.kz/14279
