ءقازاقتىلدى سەگمەنت ءوز كەزەگىندە: «ولجەكەڭ، كوپ جاعدايدا دا ورىستىلدىلەردىڭ ءسوزىن سويلەيدى. سونىسى دۇرىس پا؟ ورىس ءتىلىنىڭ سويىلىن سوعىپ جۇرگەنى ءوز الدىنا، كەلمەسكە كەتكەن كسرو-نى ساعىنىپ جۇرگەنىن دە سان رەت اڭعارتقان»، – دەيدى.
راس، بايقاعانبىز. ءبىراق، سۇلەيمەنوۆتىڭ جاسىنا كەلگەندە ادامدى وزگەرتۋ قيىن عوي. ول وزگەرمەيدى. ونىڭ ولشەمىندەگى قازاقستان رەسەيمەن بىرگە بولۋى ءتيىس. ال ورىس ءتىلى قازاقستاندى مادەنيەت كوشىنەن قالدىرماي جۇرگەن جالعىز كۇش. سولاي.
سولايى سولاي عوي. ءبىراق، بۇل سۇلەيمەنوۆتىڭ ىلعي دا قازاقتىڭ ۇستانىمىنا جات، تۇسىنىگىنە كەرەعار پىكىر ايتادى دەگەن ءسوز ەمەس. سوڭعى كەزدەرى ولجەكەڭنىڭ ءسوزى تۇزەلگەن سىڭايلى. ءسوز تۇزەلسە، لايىم ءىس تە تۇزەلۋى ءتيىس قوي.
ايتالىق، Sputnik كازاحستان سايتىنا بەرگەن سۇحباتىندا سۇلەيمەنوۆ ءبىرىڭعاي ۇلتتىق تەستىلەۋ جۇيەسىن سىن تەزىنە الىپتى. اقىننىڭ ايتۋىنشا، مۇنداي تەستىلەۋدىڭ استارىندا مەكتەپتەگى ساپاسىز ءبىلىمدى بۇركەمەلەۋ امالى جاتىر.
– بالانىڭ ويىن كىتاپ قانا وسىرەدى. ونى دا ادامعا اينالدىراتىن دا كىتاپ. جۇمباق شەشىپ، «سمس» جازىپ، جاۋاپ ىزدەپ وتىرعاننان وسپەيدى ول. بىلمەسەڭىز، مىنانى ايتايىن. بۇل ءادىس العاش گارلەمدا (نيۋ-يوركتىڭ اۋدانى) پايدالانىلدى. ناتيجەسى نە بولدى؟ ون جىل پارتادا وتىرعان وقۋشىلار ميىندا تۇك جوق، شالاساۋاتتى بولىپ شىعاتىن. سوندا دا توقتاتقان جوق. تۇلەكتەر تۇك بىلمەس بولىپ شىقتى، – دەيدى سۇلەيمەنوۆ.
بۇل ورايدا ولجەكەڭ تاعى دا وتكەنگە اينالىپ سوعىپتى. ونىڭ ايتۋىنشا، كەڭەس كەزىندەگى ءبىلىم جۇيەسى مىقتى اسقانى جوق. ال ءقازىر قالاي؟
– سۇراق-جاۋاپپەن عانا شەكتەلەتىن قازىرگى ۇرپاقتىڭ ءبىلىم ساپاسى كور دە تۇرىڭدار ەرتەڭ قازاقستاننىڭ بولاشاعىنا كەرى اسەر تيگىزەتىن بولادى. سابەت وداعىنىڭ ءبىلىم جۇيەسى وزدىگىنەن ويلاي الاتىن، وزىندىك پىكىرى بار بۋىندى تاربيەلەدى. قازىرگى ۇرپاق كەرىسىنشە. كىتاپتىڭ نە ەكەنىن ۇمىتقان. بۇل كەزەڭنەن وتەمىز بە، جوق پا؟.. – دەپ وي تۇيەدى ولجەكەڭ.
ونىڭ پىكىرىنشە بۇگىنگى بۋىندى بارلىق جاعىنان دامىعان بۋىنعا جاتقىزۋعا بولمايدى. بۇل ءوز كەزەگىندە مادەنيەتتەن باستاپ، ەكونوميكاعا دەيىنگى سالالارعا تۇتاس اسەر ەتۋى مۇمكىن.
قالاي ويلايسىزدار، ولجاس ومار ۇلى دۇرىس ايتا ما؟
دەرەككوزى: kaz.365info.kz
https://dalanews.kz/14279
