Búgin, 10 aqpanda Premer-ministr Oljas Bektenovtiń tóraǵalyǵymen "Samuryq-Qazyna" ulttyq ál-aýqat qory" AQ direktorlar keńesiniń otyrysy ótti. Otyrysta Prezident Qasym-Jomart Toqaev Úkimettiń keńeitilgen otyrysynda alǵa qoiǵan mindetterdi eskere otyryp, qordyń 2024 jylǵy jumysynyń qorytyndylary jáne ony odan ári damytý máseleleri qaraldy, dep habarlaidy Dalanews.kz.
"Samuryq-Qazyna" UÁQ" AQ basqarma tóraǵasy Nurlan Jaqypov investitsiialyq jobalardy iske asyrý týraly baiandady, dep habarlaidy Úkimettiń baspasóz qyzmeti.
Úzdiksiz elektrmen jabdyqtaý maqsatynda Ekibastuz GRES-1 №1 energiia blogy toqtap, qýaty 4000 MVt-qa deiin ulǵaityldy. Ekologiiany jaqsartý jumystary aiasynda Almaty JEO-2 jáne JEO-3 úshin gaz infraqurylymyn qurý jobasy iske asyryldy. Qarashyǵanaq ken orny jumysynyń tiimdiligin arttyrý úshin besinshi keri aidaý kompressory engizildi. Kólik-logistikalyq baǵytta Sian qalasynda júk terminaly salyndy, ol júkterdi jetkizý merzimin qysqartýǵa jáne qazaqstandyq baǵyttardyń tartymdylyǵyn arttyrýǵa múmkindik berdi. Sonymen qatar 250 shaqyrymnan astam gaz qubyry men 500 shaqyrym temirjol jelisi tartylyp, ekinshi "Dostyq – Moiynty" jolynyń 132 shaqyrymynda poiyz qozǵalysy iske qosyldy. Sondai-aq esepti kezeńde Qazaqstan úshin biregei jobalar: gidroakkýmýliatsiialyq stansa men Astana qalasyndaǵy alǵashqy tsifrlyq qosalqy stansanyń qurylysy bastaldy.
Jalpy tizimge qazirgi ýaqytta munai-gaz, munai-himiia, energetika, kólik-logistika jáne basqa da salalar boiynsha quny 33,3 trln teńgeni quraityn investitsiialyq 46 joba engizilgen.
Biyl "Taldyqorǵan – Úsharal" magistraldy gaz qubyryn paidalanýǵa berýdiń arqasynda Jetisý óńirindegi 66 eldi mekendi gazben qamtý jumystaryn aiaqtaý josparlanǵan. Kendirlide qýattylyǵy táýligine 50 myń m3 teńiz sýyn tushytý zaýytyn iske qosý arqyly Jańaózen qalasy men Mańǵystaý oblysyndaǵy sý tapshylyǵy máselesin sheshý josparlanýda. Transkaspii halyqaralyq kólik baǵytynyń (THKB) jáne "Dostyq – Moiynty" temirjol jelisi ýchaskesiniń ótkizý qabiletin arttyrý tranzitti damytýǵa eleýli serpin beredi. Ishki naryqtyń qajettilikterin qanaǵattandyrý úshin PMHZ-da dizel otynyn gidrotazartý ornatylady jáne CASPI BITUM-da bitým óndirisi keńeitiledi. "Beineý – Bozoi – Shymkent" magistraldy gaz qubyrynyń ótkizý qabiletin jylyna 15 mlrd m3 deiin arttyrýǵa múmkindik beretin ekinshi ýchaskesiniń qurylys barysyna erekshe nazar aýdarylyp, birlesken investitsiialaý quraldary talqylandy.
Jobalar boiynsha jergilikti qamtýdyń boljamdy úlesi sektorǵa bailanysty ózgerip otyrady. Mysaly, kólik-logistika sektoryndaǵy jobalar boiynsha bul kórsetkish 85%-dy, energetikalyq jobalar – 60%-dy, basqa jobalar boiynsha – 80%-dy quraidy.
Sondai-aq 2024 jyly otandyq taýar óndirýshilerdi qoldaý boiynsha qosymsha sharalar qarastyrylǵan. Osynyń arqasynda 1,1 trln teńgege OTÓ-men sharttar jasalyp, ósim 2023 jylmen salystyrǵanda 76%-dy qurady. 191 mlrd teńgege ofteik-kelisimsharttar jasaldy, bul 2023 jylmen salystyrǵanda 10 esege kóp. Sonymen qatar Qordyń satyp alý júiesi alǵash ret EQDB, ADB jáne EYDU úzdik standarttaryna sáikes dep tanyldy.
Premer-ministr elimiz úshin mańyzdy jobalardy iske asyrýǵa jeke investitsiialar tartý jónindegi jumysty kúsheitý qajettigine toqtaldy.
"Memleket basshysy bizdiń jumysymyzdyń basym baǵyty iri infraqurylymdyq jáne ónerkásiptik jobalardy, kólik pen logistikany damytý, sondai-aq tsifrlandyrý jáne jasandy intellekt bolýy tiis ekenin atap ótken bolatyn. Úkimet elimiz úshin mańyzdy jobalardyń iske asyrylý jaǵdaiyn baqylaýda ustaidy. Memlekettiń ekonomikadaǵy úlesin birtindep azaita otyryp, birlesken investorlardy belsendi tartý qajet", — dep atap ótti Oljas Bektenov.
Sonymen qatar Premer-ministr úderisterdi ońtailandyrý jáne keshiktirýge ári negizsiz qymbattaýǵa jol bermeý úshin jobalardy iske asyrý merzimderiniń saqtalýyn qatań baqylaý qajettiligine aýdardy.
Buǵan deiin qańtarda "Samuryq-Qazyna" qorynyń taǵdyry alda aida sheshiletinin habarlaǵan bolatynbyz. Sebebi Memleket basshysy atalǵan qor boiynsha reformalaý jumystaryna kóńili tolmaitynyn jetkizgen, sóitip aqpan aiynda qordyń qyzmetin arnaiy talqylaityndaryn jetkizgen.
