Búgin, 2025 jyly 8 qańtarda Úkimet otyrysynda Premer-ministr Oljas Bektenov jumysshy kadrlar úshin ipotekalyq jáne jalǵa beriletin turǵyn úidiń jeńildetilgen baǵdarlamalaryn iske qosý máselelerin pysyqtaýdy tapsyrdy, dep jazady Dalanews.kz.
"Jumysshy kadrlardy áleýmettik qoldaýdyń úzdik korporativtik tájiribesin keńinen taratyp, jańa yntalandyrý sharalaryn engizý kerek. Ónerkásip, Energetika, Kólik, Aýyl sharýashylyǵy, Sý resýrstary ministrlikterine kásiporyndarmen, ákimdiktermen jáne Otbasy bankimen birlesip, jumysshy kadrlar úshin ipotekalyq jáne jalǵa beriletin turǵyn úidiń jeńildetilgen baǵdarlamalaryn iske qosý máselelerin pysyqtaýdy tapsyramyn", — dedi Úkimet otyrysynda Oljas Bektenov.
Máseleni qaraý qorytyndysy boiynsha Premer-ministr múddeli memlekettik organdar, ákimdikter, ulttyq kompaniialar men kásiporyndarǵa Prezident Qasym-Jomart Toqaev jariialaǵan Jumysshy mamandyqtary jylyn ótkizý jónindegi salalyq jáne óńirlik josparlardyń sapaly iske asyrylýyn qamtamasyz etýdi tapsyrdy.
Barlyq is-sharalar júieli, nátijeli jáne olardyń áleýmettik-ekonomikalyq uzaqmerzimdi áseri bolýy tiis.
"Úkimet Jumysshy mamandyqtary jylyn ótkizý máselelerin únemi baqylaýda ustaidy", dep atap ótti Oljas Bektenov.
Sondai-aq Astana qalasynyń ákimdigimen birge quzyretter ortalyǵyn qurý josparlanyp otyr.
Premer-ministr biznes, jumys berýshiler, investorlar tarapynan da tiisti sharalar qabyldanýy tiis ekenin, sondai-aq osy baǵyttaǵy jumysty "Samuryq-Qazyna" qory belsendi júrgizýi qajet ekenin basa aitty.
