Semeıge jazdyń aptap ystyǵy, qystyń borany demeı qatynap júrgenime 6 jyl bolypty. Alty jyldan beri Semeı - meniń Astanadan keıingi eń jıi qatynaıtyn qalama aınaldy. Avtobýs, taksı, ushaq, poezd demeı, kóliktiń qandaı túri bar, yńǵaıyma qaısysy kelip qalady, sonysymen júre bergem, júre bergem. Búgin ǵana oılap otyrsam, osylaısha júrgenime alty jyldan asyp barady eken...
Bıliktiń profesor, matematık Saıat Ibraevty 2010 jyldyń 1 qazany kúni qaýipti qylmeskerdi qolǵa túsirgendeı ustap, qamaǵandaryna 8 jyl bolsa, tergeýi bar, soty bar 2 jyldan soń, Semeıdegi qatań rejımdegi kolonıaǵa toǵytqaly da 6 jyl bolypty.
Alty jyl boıy álemge áıgili ǵalym, ǵylymǵa bergeninen bereri kóp adam, kisi óltirgen asa qaýipti qylmyskerlermen birge túrmede otyr.
Solarmen birge turady, jańadan engizilgen tártip boıynsha birge shagatttap ánuran aıtady, «men túzelemin» dep jyndylarsha aıqaılaıdy, solardyń túkke tatymaıtyn áńgimelerin tyńdaıdy, áńgimelesedi, shyndyǵynda áńgimelesýge májbúr bolady. Sóıte tura, eldiń tynyshtyǵyn, ózderin túrmege toǵytqan bılik basyndaǵylardyń amandyǵyn, Prezıdenttiń deniniń saýlyǵyn oılaıdy. Sóıte tura, túrme jaǵdaıynda óz salasynda úsh birdeı ǵylymı kitap jazady. Nonsens.
Túrme, ol – qoǵamǵa qaýipti adamdardan oqshaýlaıtyn arnaıy oryn. Bizge Ýnıversıtet qabyrǵasynan solaı úıretken. Biraq, ómirde neni kórip jatyrmyz? Kerisinshe, qoǵamǵa esh zıany joq, qaıta paıdasyn tıgizetin adamdar da túrmede otyrady. Saıat aǵa, Aron Atabek, Muhtar Jákishev, halyq batyrlary Maks pen Aıan t.b. tizimdi jalǵaı berýge bolady...
Bular ortamyzda júrse Siz ben Bizge qandaı qaýip bolýy múmkin, adam óltirer me edi, áıel zorlar ma edi?
Qaıta búkil qoǵam bılikten osy adamdardy bostandyqqa shyǵarýyn talap etýde, bılik sony estimeı, bilmeı otyr ma? Estise, kórse, bilse bul bıliktiń maqsaty ne, kózdegeni ne?
Keıde osyndaı jaýaby joq, aýyr oılar sharshatyp ta jiberedi...
Jalpy, men álsiz adamdar qatarynan emespin, kerisinshe, álsizge demeý, qorǵansyzǵa qamqor bolyp júretin álde shyn tabıǵatym, álde óz-ózime tańyp alǵan obraz keıpim, ózime sondaı unaıdy.
Biraq... Qatań rejımdegi kolonıadaǵylarǵa arnalǵan qara kıimdegi, óńsheń resıdıvıster men sadısterdiń arasynda kózáınegi men mańdaıy jarqyrap shagatttap kele jatqan, meniń kelgenimdi habarlamaqqa shaqyrǵan daýys jaqqa qalbalaqtaı júgirip, «osýjdennyı Ibraev po Vashemý vyzový prıbyl» - dep turǵan Aǵanyń keıpin qaıta-qaıta kórý...
Shynymdy aıtsam, saıasatqa kelgende fılosof bola qalatyn pálsapashymen dıvan batyrlarǵa jynym keletin. Alaıda,
Saıat aǵaǵa qatysty bılik tarapynan jasalyp jatqan osynsha ádiletsizdikke, osynsha jyl boıyna kýá bolyp kele jatqan ózimniń, jarylyp ketpeı, shydastyq tanytyp kele jatqanyma keıde tań qalamyn.
Maǵan qaraǵanda, aıtaryn aıtyp, tars etkizip jaryp, ana dúnıege kete baratyn terrorısteriń áldeqaıda artyq! Esh ókinish joq, ókinýge ýaqyttary da joq...
Jáı, jolda kele jatqandaǵy kóńildiń keıbir sátteri, tak skazat, myslı vslýh...
Abzal Quspannyń feısbýktaǵy jazbasynan
