سەمەيگە جازدىڭ اپتاپ ىستىعى، قىستىڭ بورانى دەمەي قاتىناپ جۇرگەنىمە 6 جىل بولىپتى. التى جىلدان بەرى سەمەي - مەنىڭ استانادان كەيىنگى ەڭ ءجيى قاتىنايتىن قالاما اينالدى. اۆتوبۋس، تاكسي، ۇشاق، پوەزد دەمەي، كولىكتىڭ قانداي ءتۇرى بار، ىڭعايىما قايسىسى كەلىپ قالادى، سونىسىمەن جۇرە بەرگەم، جۇرە بەرگەم. بۇگىن عانا ويلاپ وتىرسام، وسىلايشا جۇرگەنىمە التى جىلدان اسىپ بارادى ەكەن...
بيلىكتىڭ پروفەسسور، ماتەماتيك سايات يبرايەۆتى 2010 جىلدىڭ 1 قازانى كۇنى ءقاۋىپتى قىلمەسكەردى قولعا تۇسىرگەندەي ۇستاپ، قاماعاندارىنا 8 جىل بولسا، تەرگەۋى بار، سوتى بار 2 جىلدان سوڭ، سەمەيدەگى قاتاڭ رەجيمدەگى كولونياعا توعىتقالى دا 6 جىل بولىپتى.
التى جىل بويى الەمگە ايگىلى عالىم، عىلىمعا بەرگەنىنەن بەرەرى كوپ ادام، كىسى ولتىرگەن اسا ءقاۋىپتى قىلمىسكەرلەرمەن بىرگە تۇرمەدە وتىر.
سولارمەن بىرگە تۇرادى، جاڭادان ەنگىزىلگەن ءتارتىپ بويىنشا بىرگە شاگاتتتاپ ءانۇران ايتادى، «مەن تۇزەلەمىن» دەپ جىندىلارشا ايقايلايدى، سولاردىڭ تۇككە تاتىمايتىن اڭگىمەلەرىن تىڭدايدى، اڭگىمەلەسەدى، شىندىعىندا اڭگىمەلەسۋگە ءماجبۇر بولادى. سويتە تۇرا، ەلدىڭ تىنىشتىعىن، وزدەرىن تۇرمەگە توعىتقان بيلىك باسىنداعىلاردىڭ اماندىعىن، پرەزيدەنتتىڭ دەنىنىڭ ساۋلىعىن ويلايدى. سويتە تۇرا، تۇرمە جاعدايىندا ءوز سالاسىندا ءۇش بىردەي عىلىمي كىتاپ جازادى. نونسەنس.
تۇرمە، ول – قوعامعا ءقاۋىپتى ادامداردان وقشاۋلايتىن ارنايى ورىن. بىزگە ۋنيۆەرسيتەت قابىرعاسىنان سولاي ۇيرەتكەن. ءبىراق، ومىردە نەنى كورىپ جاتىرمىز؟ كەرىسىنشە، قوعامعا ەش زيانى جوق، قايتا پايداسىن تيگىزەتىن ادامدار دا تۇرمەدە وتىرادى. سايات اعا، ارون اتابەك، مۇحتار جاكىشيەۆ، حالىق باتىرلارى ماكس پەن ايان ت.ب. ءتىزىمدى جالعاي بەرۋگە بولادى...
بۇلار ورتامىزدا جۇرسە ءسىز بەن بىزگە قانداي ءقاۋىپ بولۋى مۇمكىن، ادام ولتىرەر مە ەدى، ايەل زورلار ما ەدى؟
قايتا بۇكىل قوعام بيلىكتەن وسى ادامداردى بوستاندىققا شىعارۋىن تالاپ ەتۋدە، بيلىك سونى ەستىمەي، بىلمەي وتىر ما؟ ەستىسە، كورسە، بىلسە بۇل بيلىكتىڭ ماقساتى نە، كوزدەگەنى نە؟
كەيدە وسىنداي جاۋابى جوق، اۋىر ويلار شارشاتىپ تا جىبەرەدى...
جالپى، مەن ءالسىز ادامدار قاتارىنان ەمەسپىن، كەرىسىنشە، السىزگە دەمەۋ، قورعانسىزعا قامقور بولىپ جۇرەتىن الدە شىن تابيعاتىم، الدە وز-وزىمە تاڭىپ العان وبراز كەيپىم، وزىمە سونداي ۇنايدى.
ءبىراق... قاتاڭ رەجيمدەگى كولونياداعىلارعا ارنالعان قارا كيىمدەگى، وڭشەڭ رەسيديۆيستتەر مەن ساديستتەردىڭ اراسىندا كوزاينەگى مەن ماڭدايى جارقىراپ شاگاتتتاپ كەلە جاتقان، مەنىڭ كەلگەنىمدى حابارلاماققا شاقىرعان داۋىس جاققا قالبالاقتاي جۇگىرىپ، «وسۋجدەننىي يبرايەۆ پو ۆاشەمۋ ۆىزوۆۋ پريبىل» - دەپ تۇرعان اعانىڭ كەيپىن قايتا-قايتا كورۋ...
شىنىمدى ايتسام، ساياساتقا كەلگەندە فيلوسوف بولا قالاتىن پالساپاشىمەن ديۆان باتىرلارعا جىنىم كەلەتىن. الايدا،
سايات اعاعا قاتىستى بيلىك تاراپىنان جاسالىپ جاتقان وسىنشا ادىلەتسىزدىككە، وسىنشا جىل بويىنا كۋا بولىپ كەلە جاتقان ءوزىمنىڭ، جارىلىپ كەتپەي، شىداستىق تانىتىپ كەلە جاتقانىما كەيدە تاڭ قالامىن.
ماعان قاراعاندا، ايتارىن ايتىپ، تارس ەتكىزىپ جارىپ، انا دۇنيەگە كەتە باراتىن تەرروريستەرىڭ الدەقايدا ارتىق! ەش وكىنىش جوق، وكىنۋگە ۋاقىتتارى دا جوق...
ءجاي، جولدا كەلە جاتقانداعى كوڭىلدىڭ كەيبىر ساتتەرى، تاك سكازات، مىسلي ۆسلۋح...
ابزال قۇسپاننىڭ فەيسبۋكتاعى جازباسىنان
