Premer-ministr Oljas Bektenovtiń tóraǵalyǵymen ótken Úkimet otyrysynda elimizdiń salyq zańnamasyna jańa túzetýler usynyldy, dep habarlaidy Dalanews.kz.
Bektenov úkimeti qosylǵan qun salyǵynyń (NDS) shegin 80 million teńgeden 15 millionǵa deiin tómendetýdi usynýda. Áshkere máseleniń mánisin qarapaiym tilmen túsindirip kórmek.
NDS – taýar men qyzmet qunyna qosylatyn salyq. Búginde kásipkerdiń jyldyq ainalymy 80 million teńgeden aspasa, ol NDS tóleýden bosatylady.
Ekonomika ministri Serik Jumanǵarin osyndai joǵary shektiń saldarynan kei kásipkerler qyzmetin ádeii birneshe bólikke bólip, árqaisysyn 80 million teńgeden asyrmai júretinin aitady. Osylaisha, olar salyqtan meilinshe jaltarady.
Al jańa usynys qabyldanyp, shek 15 million teńgege tússe, biznesin ádeii bólshekteýdiń esh tiimdiligi qalmaidy. Memleketke de kóbirek salyq túsedi, jalpy alǵanda ádil báseke ortasy qalyptasady dep kútilip otyr.
Jumanǵarin álemdik tájiribeni alǵa tartýda: Kanada, Ońtústik Koreia, Skandinaviia elderi, sondai-aq kórshiles Resei, Ózbekstan, Qyrǵyzstanda NDS shegi áldeqaida tómen nemese múlde joq. Bul elderde kópshilik kásiporyn avtomatty túrde salyq tóleý júiesine qosylady.
Eger jańa ereje kúshine ense, 15 million teńgeden asa tabys tabatyn kez kelgen biznes iesi budan bylai NDS tóleýge mindetteledi.
Bul ózgeristiń tiimdi ne tiimsiz bolatyny ázirge belgisiz. Zań jobasyn Májilis maquldasa, biznes orta úshin jańa erejege beiimdelý kezeńi bastalmaq.
Eske salaiyq, buǵan deiin salyq kodeksi jobasy týraly mańyzdy tapsyrma bergen bolatyn. Iaǵni osy aptada óńirlerde kásipkerlerdiń, máslihat depýtattary men sarapshylardyń qatysýymen talqylaýdy jalǵastyrýy kerek.
