پرەمەر-مينيستر ولجاس بەكتەنوۆتٸڭ تٶراعالىعىمەن ٶتكەن ٷكٸمەت وتىرىسىندا ەلٸمٸزدٸڭ سالىق زاڭناماسىنا جاڭا تٷزەتۋلەر ۇسىنىلدى, دەپ حابارلايدى Dalanews.kz.
بەكتەنوۆ ٷكٸمەتٸ قوسىلعان قۇن سالىعىنىڭ (ندس) شەگٸن 80 ميلليون تەڭگەدەن 15 ميلليونعا دەيٸن تٶمەندەتۋدٸ ۇسىنۋدا. ەشكەرە مەسەلەنٸڭ مەنٸسٸن قاراپايىم تٸلمەن تٷسٸندٸرٸپ كٶرمەك.
ندس – تاۋار مەن قىزمەت قۇنىنا قوسىلاتىن سالىق. بٷگٸندە كەسٸپكەردٸڭ جىلدىق اينالىمى 80 ميلليون تەڭگەدەن اسپاسا, ول ندس تٶلەۋدەن بوساتىلادى.
ەكونوميكا مينيسترٸ سەرٸك جۇمانعارين وسىنداي جوعارى شەكتٸڭ سالدارىنان كەي كەسٸپكەرلەر قىزمەتٸن ەدەيٸ بٸرنەشە بٶلٸككە بٶلٸپ, ەرقايسىسىن 80 ميلليون تەڭگەدەن اسىرماي جٷرەتٸنٸن ايتادى. وسىلايشا, ولار سالىقتان مەيلٸنشە جالتارادى.
ال جاڭا ۇسىنىس قابىلدانىپ, شەك 15 ميلليون تەڭگەگە تٷسسە, بيزنەسٸن ەدەيٸ بٶلشەكتەۋدٸڭ ەش تيٸمدٸلٸگٸ قالمايدى. مەملەكەتكە دە كٶبٸرەك سالىق تٷسەدٸ, جالپى العاندا ەدٸل بەسەكە ورتاسى قالىپتاسادى دەپ كٷتٸلٸپ وتىر.
جۇمانعارين ەلەمدٸك تەجٸريبەنٸ العا تارتۋدا: كانادا, وڭتٷستٸك كورەيا, سكانديناۆييا ەلدەرٸ, سونداي-اق كٶرشٸلەس رەسەي, ٶزبەكستان, قىرعىزستاندا ندس شەگٸ ەلدەقايدا تٶمەن نەمەسە مٷلدە جوق. بۇل ەلدەردە كٶپشٸلٸك كەسٸپورىن اۆتوماتتى تٷردە سالىق تٶلەۋ جٷيەسٸنە قوسىلادى.
ەگەر جاڭا ەرەجە كٷشٸنە ەنسە, 15 ميلليون تەڭگەدەن اسا تابىس تاباتىن كەز كەلگەن بيزنەس يەسٸ بۇدان بىلاي ندس تٶلەۋگە مٸندەتتەلەدٸ.
بۇل ٶزگەرٸستٸڭ تيٸمدٸ نە تيٸمسٸز بولاتىنى ەزٸرگە بەلگٸسٸز. زاڭ جوباسىن مەجٸلٸس ماقۇلداسا, بيزنەس ورتا ٷشٸن جاڭا ەرەجەگە بەيٸمدەلۋ كەزەڭٸ باستالماق.
ەسكە سالايىق, بۇعان دەيٸن سالىق كودەكسٸ جوباسى تۋرالى ماڭىزدى تاپسىرما بەرگەن بولاتىن. ياعني وسى اپتادا ٶڭٸرلەردە كەسٸپكەرلەردٸڭ, مەسليحات دەپۋتاتتارى مەن ساراپشىلاردىڭ قاتىسۋىمەن تالقىلاۋدى جالعاستىرۋى كەرەك.
