Oral qalasyndaǵy Tuńǵysh Prezident atyndaǵy alańda Memlekettik rámizder kúnine orai Tý kóterý rásimi ótti. Saltanatty sharaǵa oblys ákimi Nariman Tóreǵaliev qatysyp, óńir turǵyndary men qonaqtaryn taǵylymy mol merekemen quttyqtady, dep habarlaidy dalanews.kz.
- Prezident Qasym-Jomart Toqaev atap ótkendei, Memlekettik rámizder — eldigimizdiń jarqyn kórinisi, halqymyzdyń maqtanyshy ári abyroiy. Tuǵyrly Týymyz, eńseli Eltańbamyz, aibarly Ánuranymyz — memleketimizdiń myzǵymas úshtaǵany. Táýelsizdigimizdiń simvoly sanalatyn nyshandardy ardaqtaý – árbir qazaqstandyqtyń qasterli mindeti. Qundylyqtardy kózdiń qarashyǵyndai saqtap, jas urpaqqa rýhani-patriottyq tárbie berip, keleshekte de el igiligi jolynda judyryqtai jumylaiyq, - dedi oblys ákimi.
Merekelik sharaǵa 2 myńǵa jýyq adam qatysty. Patriottyq ánder áýelep, Memlekettik tý kóterildi. Aimaq basshysy óńirdiń ósip-órkendeýi jolynda eńbek etip júrgen bir top azamatqa alǵys hat tabystady.
Aita keteiik, Memlekettik tý kóterý rásimderi óńirdiń barlyq aýdanynda uiymdastyryldy.
